Бүгд Найрамдах Солонгос Улсын Бусан хотноо Азийн Физикийн Олимпиад /Asian Physics Olympiad-APhO 2026/ энэ сарын 17-25-ны өдрүүдэд зохион байгуулагдлаа.
Боловсролын ерөнхий газрын мэдээлснэр, энэ удаагийн олимпиадад дэлхийн 27 орны 211 сурагч оролцож, мэдлэг, ур чадвараараа өрсөлдсөн байна. Монгол Улсаас оролцсон баг тамирчид амжилттай оролцож, нийт долоон сурагч шагналт байрт шалгарлаа. Үүнд:
Хүрэл медаль
- Г.Амармэнд /Дархан-Уул аймаг, “Од” сургууль/
- М.Мөнх-Оргил / НЕБ-ын 1 дүгээр сургууль /
- Б.Эрмүүн /“Шинэ Монгол” сургууль/
- Э.Ичинбат /Орхон аймаг, 1 дүгээр сургууль/
Тусгай байр
- А.Орхонтуул /МУИС-ЕБАС/
- Д.Энхтөгс /“Absolute Elite” сургууль/
- Г.Амар /НЕБ-ын 1 дүгээр сургууль/
Мөн Т.Агарбат /“Сант” сургууль/ олимпиадад амжилттай оролцжээ. Багийн ахлагч, ажиглагчаар ШУТИС-ийн багш, доктор Г.Зоригт, МУИС-ийн багш, доктор П.Мөнхбаатар, ШУТИС-ийн багш, доктор Х.Балт-Эрдэнэ, МУИС-ийн багш М.Отгонбаатар, “Олонлог Эгзэ” сургуулийн багш Э.Гүндалай, МУИС-ийн оюутан Г.Батбаяр нар ажилласан байна.
Түүнчлэн APhO 2026 олимпиадын хаалтын үйл ажиллагаанд БНСУ-ын Физикийн олимпиад зохион байгуулах хороо болон Физикийн нийгэмлэгийн урилгаар Монгол Улсын гавьяат багш, Улсын физикийн олимпиадын хорооны дарга М.Ганбат, НЕБ-ын 1 дүгээр сургуулийн захирал, Улсын физикийн олимпиадын хорооны нарийн бичгийн дарга Р.Энхбат, МУИС-ШУС-ийн Байгалийн ухааны салбар сургуулийн захирал, доктор, дэд профессор Г.Мөнхбаяр нар төлөөлөгчөөр оролцжээ.
