Mongolia's next top model нэвтрүүлэг дөнгөж сая өндөрлөж, ялагчдаа тодрууллаа. Энэ удаагийн шоу нэвтрүүлгээр хоёр ялагчийг тодруулсны нэг нь нэвтрүүлгийн оролцогч асан Ч.Чамин-Эрдэнэ боллоо. Түүний дурсгалд зориулж ялагчийн цом болон 20 сая төгрөгийг талийгаачийн дүү Чамин-Эрхэст гардуулсан юм.

Финалын шатанд Алина Дансаранова, Мишээл, Одонтунгалаг, Анужин нар үлдсэн бөгөөд нэвтрүүлгийн супер ялагчаар Б.Анужин тодорлоо.

Сүпер ялагч 20 сая төгрөгийн шагнал, Итали улсын Милан хотын "Brand Model managment"-агентлагтай гэрээ байгуулах эрхийн эзэн боллоо. 

Mongolia's next top model нэвтрүүлгийн ялагч Б.Анужин "Хүн болгонд олдохгүй энэ боломжийг өөртөө авсандаа баярлаж байна. Боломжоо алдахгүй, тултал нь ашиглана" гэв.