Сэлэнгэ аймгийн Боловсролын газар, Филиппин улсын Себү хотын Сpils академитай хамтран ажиллах санамж бичигт гарын үсэг зурлаа.

Сэлэнгэ аймгийн ерөнхий боловсролын сургуулийн сурагчдад гадаад хэлний мэдлэг, багш нарын мэргэжлийн ур чадварыг дээшлүүлэх, олон улсын туршлага судлах, багш-сурагч солилцоо болон хамтын ажиллагааг өргөжүүлэх зорилгоор энэхүү хамтран ажиллах санамж бичгийг байгууллаа.

Тус санамж бичгийн хүрээнд:

-Ерөнхий боловсролын сургуулийн багш, сурагчдыг эрчимжүүлсэн сургалтын хөтөлбөрт хамруулах;

-Сургалтын чанар, хүртээмжийг нэмэгдүүлэх зорилгоор олон улсын туршлага, арга зүйг харилцан солилцох;

Олон улсын зэрэг олгох сургалт, семинар, цахим болон танхимын сургалтыг хамтран зохион байгуулах;

-Академийн гадаад хэлний багш нарыг Сэлэнгэ аймгийн ерөнхий боловсролын сургуульд ажиллуулах;

-Сэлэнгэ аймгийн багш нарыг Филиппин Улсад богино хугацааны мэргэжил дээшлүүлэх сургалтад хамруулах зэрэг чиглэлээр хамтран ажиллах юм.

Cpils академи нь 2001 оноос үйл ажиллагаагаа эхлүүлсэн бөгөөд гадаад оюутнуудад англи хэл заах, IELTS болон TOEIC шалгалтад бэлтгэх, англи хэлний орчинд суралцуулах замаар богино хугацаанд хэлний чадварыг нь ахиулах зорилготой олон улсын хэлний сургалтын төв юм.