Lamborghini компани энэ жилд LB48H гиперкараа нууцлалаас гаргана. Өнгөрсөн зун түүний анхдагч загварыг цөөн тооны үйлчлүүлэгч нар харуулсан байв. Машины тухай элдэв жижиг сажиг мэдээлэл сүлжээгээр гарч байлаа. Түүний нэг онцлог нь энэ машин харанхуйд гэрэлтдэг гэж Road and Track сүлжээ мэдээлэв. Үүнээс цааш  мэдээлэл цацагдсангүй.

Хибрид гиперкар Lamborghini  LB48H

Тэр нь бүхээгт нь тавьсан гэрэлтдэг нэмэлт үү, шинэ чийдэнгүүд байх уу эсвэл өдрийн гэрлийг шингээгээд шөнө гэрэлтдэг фосфортой будаг уу гэдэг нь тодорхойгүй байна.

Terzo Millennio гэх цахилгаан шоу-карт улбар шар ободтай хөдөлгүүр – дугуй бий гэж Centro Stile Lamborghini төвийн шеф-дизайнер Митя Боркерт өөр нэг роликт тайлбарласан байгаа.

Машин одоогоор LB48H гэсэн болзолт нэртэй байгаа ба  дамжлагын машинд арай сонсголтой нэр өгөх байх. Хибрид машин нь V12 хөдөлгүүр ба цахилгаан хөдөлгүүрийн хослолтой байх гэнэ. 2017 оны Terzo Millennio зөгнөлийн загварын бүхээгийн танил дүрс хадгалагдаж магадгүй. Гэхдээ бүрэн хуулбар байхгүй биз.

Концептийн Terzo Millennio нэг ёсондоо туршилтынх байсан ба италичууд түүн дээр Массачусетсийн технологийн дээд сургуулийн эрдэмтдийн технологийг шалгасан байлаа.

Terzo Millennio загварын бүхээгт эрчим хүч хадгалах суперконденсаторыг суулган өгсөн байв.  Мөн  угсралтын хавтангуудад нь бичил цууралт, зураасыг өөрөө “эмчлэх”  нано гуурстай бүээмжийг оруулсан байв.

Тэр нь нэг ёсондоо өөрийгөө шинэчилж байх будгийн хөгжлийн дараагийн алхам байлаа. Тийм бүтээмжийн бодит үр дүн нь асуудалтай үлдсэн ч түүнийг Lamborghini загварт туршсан нь сэтгэгдэл төрүүлсэн. Гэхдээ худалдан авагчдад тэр технологи арай л хүрэлгүйгээр харин гэрэлтдэг үр дүн л  хүрэх байх.

Terzo Millennio ямар үнэтэй нь тодорхойгүй. Түүнийг бүтээхэд хэдэн саяар санхүүжилт хийгдсэн. Цөөн тоогоор гарах LB48H хибрид $2,5–3 сая доллараар зарагдана гэсэн яриа бий.

М.Цогт