"IELTS-100" хөтөлбөрийн хүрээнд орон нутагт тус шалгалтыг зохион байгуулдаг болох талаар аймгийн засаг дарга Б.Азжаргал Австралийн итгэмжлэгдсэн нийгмийн хариуцлагатай “IDP Ielts in Мongolia” тест төвд хамтран ажиллах саналыг тавьсан.
Уг саналын дагуу тус байгууллагын тест төвийн захиргааны ажилтан Б.Цолмон тэргүүтэй төлөөлөл Дархан хотод хүрэлцэн ирж шалгалтын салбар төвийг байгуулах боломж, нөхцөлийг судалж байна. 
Зарим тохиолдолд сурагчид шалгалт өгөхдөө хүссэн оноогоо авч чаддаггүй. Энэ нь сэтгэл зүйтэй холбоотой байдаг гэдгийг тайлбарлаж байна. Өөрөөр хэлбэл тухайн шалгуулагчийн англи хэлний мэдлэг хангалтгүйдээ бус сандрал, стресс, шалгалтын айдас нөлөөлөх нь бий. Тиймээс өөрсдийн суралцаж буй дассан орчиндоо шалгалт өгөх нь суралцагчдад сэтгэл зүйн хувьд олон давуу талыг бий болгодог.
Эхний уулзалтаар “Тест төв”-ийг байгуулах талаар тодорхой шийдэлд хүрээгүй ч орон нутгийн удирдлагууд хүүхдүүдийнхээ төлөө тав тухтай орчин, байр санал болгож байгаад талархал илэрхийлээ. Дараагийн уулзалтаар шалгалт зохион байгуулах эсэхийг тодорхой хэлэлцэх юм.
