Монгол Улсын Филармониос жил бүр шинэ жилийн баярыг тохиолдуулан үзэгч олондоо зориулан толилуулдаг “Snow Melody-2019” тоглолт бэлэн болжээ.
Улсын филармонийн симфони найрал хөгжим, Морин хуурын чуулга, “Баян Монгол” жазз найрал, Гоцлол дуучдын нэгдсэн “Snow melody” тоглолт “Корпорэйт” концертын танхимд өнөөдөр буюу 12 дугаар сарын 28-ны 19 цагт болно. Хуучин оноо үдэж, шинэ 2019 оноо угтах баярын оргил арга хэмжээнүүдийн нэг нь мэргэжлийн шилдэг уран бүтээлчдийн нэгдсэн “Snow melody” тоглолт байх юм.
Олны хайртай морин хуурчид, үргэлж цоглог, шинэлэг жазз хөгжимчид, ур чадварын гайхамшиг симфони найрал хөгжмийнхөн өөрсдийн дахин давтагдашгүй өнгө аясаар сонсогч олноо баясуулна. Тэд шинэ жилийн танил дотно хөгжим туурвил, найруулга, дуунуудыг сонгосон аж.
