Холбооны Бүгд Найрамдах Бразил Улсын Засгийн газраас гадаадын иргэдэд зориулан тус улсын хувийн болон улсын их, дээд сургуулиудад бакалавр, магистр болон докторын түвшний оюутан солилцооны хөтөлбөрийг хэрэгжүүлж буй.

Боловсролын яамны мэдээлснээр, тус хөтөлбөрт одоогийн байдлаар дэлхийн 73 улсын иргэд хамрагдаж байна. Үүнд PEC-PLE нэг жилийн хэлний бэлтгэлийн хөтөлбөр португал хэлний албан ёсны оноогүй бакалаврын зэрэг горилогчдод, PEC-G португал хэлний оноотой бакалаврын зэрэг горилогчдод, PEC-PG магистр, докторын зэрэг горилогчдод гэсэн гурван түвшний хөтөлбөр багтах аж.

Энэхүү хөтөлбөрт бүртгүүлэх болон дэлгэрэнгүй мэдээллийг https://www.gov.br/ сайтаас авна. Мөн санал хүсэлт өгөх болон тодруулга авах бол Бээжин дэх Бразилын Элчин сайдын яамны Соёлын асуудал эрхэлсэн ахлах, Луис Фелипе Ёонезава Фернандезтай цахим шуудан: Luis.yonezawa@itamaraty.gov.br болон 010-6532-2881 (ext 985) утсаар холбогдох боломжтой.  

Материал хүлээж авах хугацаа 2025 оны 12 дугаар сарын 30-ныг хүртэл үргэлжилнэ.