Тайландын Бангкок хотноо болсон 67 дахь удаагийн “Miss Universe” тэмцээний ялагчаар Филиппин улсын гоо бүсгүй Катриона Грэй шалгарч титмийн эзэн боллоо. Өдгөө 24 настай Катриона Грэй нь "Ертөнцийн мисс" цолыг хүртсэн дөрөв дэх Филиппин бүсгүй болжээ.

Хоёрдугаар байранд Өмнөд Африкийн Тамарн Грэн, Венесулийн мисс Гутеррез нар орлоо.  94 орны гоо бүсгүйчүүд оролцсон “Miss Universe 2018” тэмцээний финалын шалгаруулалтад Австрали, АНУ, Канад, Бразил, Их Британи, Унгар зэрэг 20 орны гоо бүсгүйчүүд шалгаран үлджээ.

“Miss Universe” тэмцээнд Монголын мисс оролцсон байгаагүй бөгөөд энэхүү тэмцээний анхны монгол оролцогчоор мисс, загвар өмсөгч Д.Долгион оролцож, эх орноо төлөөлөн дэлхийн гоо бүсгүйчүүдтэй нэгэн тайзан дээр өрсөлдлөө. 

Филиппинийн мисс Катриона Грэй энэ удаа хамгийн хүчтэй оролцогчийн нэг байж, титмийг өөрийн болгож чадлаа. Түүний хувьд гоо сайхны олимп гэгдэх “Miss World 2016”-д өрсөлдөж, Топ 5-д үлдэж байсан юм. 

Гоо бүсгүй бие хамгаалах урлагаар хичээллэдэг бөгөөд Чой Кван Догийн хар бүсийг эзэмшдэг аж.

Мөн тэрээр хэвлэлийн эрх чөлөө, #MeToo хөдөлгөөн болон каннабисыг хуульчлахыг дэмждэг. Энэ талаар тэрээр "Би марихуаныг зугаа цэнгэлийн зориулалтаар бус зөвхөн эмчилгээний зорилгоор хуульчлахыг дэмждэг. Бүх зүйл хэмжээ хязгаартай байхдаа сайхан" хэмээн хэлжээ.

Филиппин улс 1964 оноос эхлэн “Miss Universe” тэмцээнд оролцож эхэлсэн бөгөөд 1969, 1973, 2015 онуудад титмийн эзнээр шалгарч байжээ.