Алдарт зохиолч Стивен Кингийн зохиолоос сэдэвлэн бүтээсэн "IT" аймшгийн кино өнгөрсөн онд нээлтээ хийсэн даруйдаа 117.2 сая ам.долларын ашиг орлого олж, аймшгийн кинонуудаас хамгийн өндөр ритенгтэй байсан билээ. Өмнө нь 1990 онд гарч байсан "IT" мөн л тухайн үедээ шуугиан тарьж, олон хүнийг айдаст автуулж байсан юм.
Анди Мушиеттигийн найруулгаар хийгдсэн уг киноны гол дүрийг залуу жүжигчин Билл Скарсгoрд бүтээн, тэс өөр дүр төрхийг гаргаж чадсанаараа шуугиан тарьсан билээ. Тэгвэл тус киноны дараагийн ангийн зураг авалт хийгдэж байгаа бөгөөд ирэх оны есдүгээр сарын 6-нд нээлтээ товложээ.
Дараагийн ангид гол дүр Пэннивайз төрөлх хотдоо эргэн ирж, “Losers” клубынхэн ахин уулзах аж. Тэд өсч томорсон ч хотод бүх зүйл хуучин хэвээрээ, айдастай байх юм байна.
