2025-2026 оны хичээлийн жилд Монгол Улсын хэмжээнд төрийн өмчийн ерөнхий боловсролын сургуулийн 1 дүгээр ангид элсэгчдийн цахим бүртгэлийг 2025 оны 8 дугаар сарын 12-ны өдрөөс 8 дугаар сарын 26-ны өдрийг дуустал E-Mongolia системээр зохион байгуулна.
Иргэд цахим бүртгэлийн үйлчилгээ авахдаа дараах зүйлсийг анхаарна:
-
Өөрийн болон хүүхдийн хаягийн бүртгэл, мэдээллийг нягталж, баталгаажуулсан байх;
-
Шилжилт хөдөлгөөнийг 8 дугаар сарын 5-наас өмнө баталгаажуулсан байх (хуурамчаар хаягийн бүртгэл, түрээсийн гэрээ хийхийг хориглоно).
2019 оны 1 дүгээр сарын 1-нээс 2019 оны 12 дугаар сарын 31-ний хооронд төрсөн 6 настай хүүхдүүд 1 дүгээр ангийн цахим бүртгэлд хамрагдана.
Эх сурвалж: Боловсролын яам
