Энэ жилийн Үндэсний их баяр наадамд Төв цэнгэлдэх хүрээлэн болон түүний ойр орчимд зөвхөн албан ёсны аж ахуйн нэгжүүдэд л хоол үйлдвэрлэл, үйлчилгээний зөвшөөрөл олгохоор болсон байна. Энэ нь өнгөрсөн жилүүдэд наадмын талбайн гадна талбай эмх замбараагүй, зах худалдааны төв мэт болж байсныг цэгцэлж, зохион байгуулалтыг сайжруулах зорилготой ажээ.

Наадмыг зохион байгуулах ажлын хүрээнд бөх, морь, сур, шагай, соёл урлагийн зэрэг есөн салбар хороо ажиллаж, тайз, дэлгэцийн техник тоног төхөөрөмжийн шинэчлэл, бэлтгэл ажлыг хийж байна. Өнгөрсөн онд Төв цэнгэлдэх хүрээлэнг нийслэлийн өмчид шилжүүлсний дараа 3 тэрбум төгрөгийн хөрөнгө оруулалтаар их засвар хийж, энэ жил урсгал засваруудыг дуусган, зочид төлөөлөгч, наадамчдаа хүлээн авахад бэлэн болжээ.

Эх сурвалж: Нийслэлийн мэдээлэл.