“The Voice of Mongolia” шоунаас олны танил болсон залуу дуучин Г.Маргад-ын “Soul Mantra” хэмээх уран бүтээл нь олон улсын нэр хүндтэй “Berlin Music Video Awards” наадмаас “Шилдэг дуу” шагналыг хүртжээ. Энэхүү дуу нь тус наадмын дэлхийн шилдэг 10 дууны тоонд багтан, шүүгчид болон үзэгчдээс өндөр үнэлгээ авсан нь Монгол уран бүтээлчийн хувьд түүхэн амжилт боллоо.

“Berlin Music Video Awards” нь дэлхий дахины уран бүтээлчид, найруулагчид, продюсерууд өрсөлддөг, хөгжмийн клипний видео урлагийг дэмждэг томоохон наадам бөгөөд шинийг эрэлхийлсэн, чанартай бүтээлийг үнэлдгээрээ алдартай. Ийнхүү Монголын хөгжмийн зах зээлээс анх удаа энэ зэрэглэлийн фестивалиас “Шилдэг дуу” шагнал авч буй нь Монголын хөгжмийн түүхэнд тэмдэглэгдэхүйц үйл явдал болов.

Г.Маргадын энэхүү амжилт нь зөвхөн хувь уран бүтээлчийн хувьд төдийгүй Монголын шинэ үеийн хөгжмийн урлагийн олон улсын тавцанд хүлээн зөвшөөрөгдөж байгааг илтгэж байна. Түүний авьяас, хичээл зүтгэл, уран бүтээлийн чанар нь дэлхийн мэргэжлийн тайзнаа өндөр үнэлэгдсэн нь монгол уран бүтээлчдэд итгэл, урам зориг нэмэх онцгой жишээ болж байна.

Эх сурвалж: Berlin Music Video Awards, Монголын медиа агентлагууд