Америкийн HBO компани алдарт “Харри Поттер”-ын шинэ телевизийн цувралд тоглох дахин долоон жүжигчнийг албан ёсоор зарлалаа гэж Variety мэдээлжээ. Энэхүү шинэчлэгдсэн хувилбар нь Ж.К.Роулингийн бүтээлийг илүү өргөн хүрээнд, нарийвчилсан байдлаар дэлгэцнээ буулгах зорилготой юм.

Шинээр зарласан дүрүүд дунд бидний сайн мэдэх Молли Уизлийн дүрийг Кэтрин Паркинсон бүтээх бол түүний хүүгийн гол дайсан болох Драко Малфойн дүрд Локс Пратт тоглохоор болжээ. Харин Дракогийн эцэг Люциус Малфойн дүрийг жүжигчин Жонни Флинн бүтээх юм байна. Үүнээс гадна:

• Шеймус Финниган — Лео Эрли

• Парвати Патил — Алессия Леони

• Лаванда Браун — Сиенна Муса

• Корнелиус Фаж — Берти Карвел

гэсэн дүрүүдэд тус тус жүжигчдийг сонгон шалгаруулсан байна.

Эдгээрээс өмнө гол гурван дүрд тоглох жүжигчдийг зарлаад байсан бөгөөд Харри Поттерын дүрд Доминик Маклафлин, Хермиона Грейнжерийн дүрд Арабелла Стэнтон, Рон Уизлийн дүрд Аластер Стаут нар тоглохоор болсон. Цувралын зураг авалт энэ зун эхлэх төлөвтэй байгаа бөгөөд “Харри Поттер”-ын шүтэн бишрэгчдийн хүсэн хүлээж буй төсөлд илүү олон нэрс цаашид тодорхой болохыг таамаглаж байна.

Эх сурвалж: Variety