Каннын олон улсын кино наадмын хүрээнд зохион байгуулсан AI Film Awards арга хэмжээний үеэр хиймэл оюун ухааны тусламжтай бүрэн бүтсэн кино олны анхаарлыг татлаа. Уг киног Monaco Life цахим хэвлэл мэдээлжээ.
Энэхүү өвөрмөц бүтээлийг Ever Trail нэртэй интерактив системээр дамжуулан бүтээсэн бөгөөд уг технологийг хөгжүүлсэн Жакомо Бонавер хэмээх бизнес эрхлэгч танилцуулсан байна. Ever Trail бол зохиолч, зураглаач, жүжигчингүйгээр хийгдсэн анхны кино платформ юм. Одоо тус бүтээл Twitch стриминг платформ дээр цацагдаж байгаа бөгөөд үзэгчид чат ашиглан киноны үйл явдлыг санал болгож, систем нь түүний дагуу гурван хувилбар боловсруулж, үзэгчээс сонголт хийлгэснээр кино үргэлжилдэг байна.
Киноны бичлэг болон дүрслэлийг ChatGPT хариуцаж, харин түүхийн өгүүлэмжийг ЗОУ-ны нэг хувилбар AI хөгжимтэй хослуулан уншиж өгдөг. Хэдийгээр одоогоор киноны нэг видео хэсгийг 1-2 минутын дотор гаргадаг буюу гүйцэтгэл удаан байгаа ч, хөгжүүлэгчид хэрэглэгчийн санал хүсэлтийн дагуу 15 секундын дотор видео бий болгох түвшинд хүрэхээр ажиллаж байна.
Жакомо Бонавер одоогоор хиймэл оюун ухааны хөгжүүлэлт хийдэг Luma AI, Pika Labs, MiniMax зэрэг компаниудтай хамтрах талаар хэлэлцээ хийж байгаа бөгөөд өмнө нь IZSIT нэртэй стриминг платформыг бүтээж, технологийн салбарт танигдсан нэгэн юм.
Эх сурвалж: Monaco Life, officelife.media.
