Улаанбаатар хотноо тавдугаар сарын 24, 25-ны өдөр зохион байгуулсан Сампин, цээж тооллын үндэсний аварга шалгаруулах тэмцээнд Дундговь аймгийн “Соробан” сампин сургалтын төвийн 28 суралцагч оролцож, 18 хүүхэд эхний гурван байрт шалгарлаа. Эдгээр хүүхдүүд эх орноо төлөөлөн Гүрж улсын нийслэл Тбилиси хотод болох дэлхийн аваргад оролцох эрхээ авч, оюуны спортын талбарт бахархам амжилт үзүүлжээ.

Сампингийн төрөлд:

• С-1 ангилалд Э.Оюун-Эрдэнэ хүрэл цом,

• С-2 ангилалд Д.Номин, П.Нарангоо, У.Гэгээнээ нар хүрэл цом,

• С-4 ангилалд Б.Номин-Эрдэнэ,

• С-7 ангилалд Л.Цэлмүүн,

• С-10 ангилалд Д.Гэгэнээ нар амжилттай оролцсон байна.

Цээж тоолол болон ой тогтоолтын төрөлд:

• “Чампион” цомын эзэн – М.Мөнхтүшиг, Д.Батбаяр,

• “Алтан” цом – О.Эзэнмөнх, Б.Энххүслэн, Б.Номин-Эрдэнэ, Ц.Эгшиглэн, Г.Долгор,

• “Мөнгөн” цом – Д.Нарангоо, Д.Номин, У.Гэгээнээ, А.Амин-Эрдэнэ нар тус тус хүртжээ.

Энэ удаагийн тэмцээнд Монгол Улсын 13 аймаг болон Улаанбаатар хотын зургаан дүүргээс нийт 1200 гаруй сурагч оролцсон бөгөөд тэмцээнийг гурван үе шаттайгаар зохион байгуулжээ.

“Тояа” хүүхэд хөгжлийн академийн салбар нь 2016 оноос Дундговьд үйл ажиллагаа явуулж эхэлсэн цагаасаа хойш сампингийн сургалтыг тасралтгүй хөгжүүлж, хүүхдүүдийг үндэсний болон олон улсын тэмцээнд тогтмол бэлтгэж ирсэн. Сампин, цээж тооллын хичээл нь хүүхдийн хоёр тархины идэвхийг тэнцвэржүүлж, сэтгэн бодох чадвар, анхаарал төвлөрөл, сууж сурах дадал зэргийг өндөр түвшинд хөгжүүлэх онцлог давуу талтай юм.

Эх сурвалж: Соробан сампин сургалтын төв, “Тояа” хүүхэд хөгжлийн академи