“Гоо үзэсгэлэнгийн тэмцээний Их тав” буюу дэлхийн үзэсгэлэнт бүсгүйг шалгаруулах олон улсын таван гол тэмцээний хамгийн ахмад нь болох Дэлхийн мисс тэмцээн 68 дахь удаагаа БНХАУ-ын аялал жуулчлал, амралт- сувиллын хот Саньяад болж байгаа билээ. Энэ тэмцээнд Монгол Улсаа төлөөлөн оролцож буй Э.Энхриймаагийн “Miss World-2018” тэмцээнд зориулагдсан албан ёсны танилцуулгыг үзнэ үү. 

Эрт-эдүгээ-ирээдүй гурван цагийн холбоосгүй хөгжил дэвшил гэж байдаггүйчлэн өнөөгийн Монголын хөгжил цэцэглэлт өвөг дээдсийн маань үлдээсэн өв соёлтой хүйн холбоотой. Монголын их хаадын байгуулсан төр улс, монголчуудын бүтээсэн түүх соёл тив, дэлхийд нэр алдраа дуурсгаж, Эзэн Чингисийн энхийн элч буюу амбан сайдын нандигнан авч явсан алтан гэрэгэнээс үүдэлтэй өнөөгийн паспорт нь үндэс угсаа, шашин шүтлэг, үзэл бодлоор үл гадуурхах монголчуудын хүнлэг сайхан сэтгэл, хүлээцтэй уужуу зангийн илэрхийлэл, хүн төрөлхтөн эв найртай хамтран амьдрахын бэлгэдэл болж буйг энэхүү дүрс бичлэгээр илэрхийлэхийг зорьжээ.