Forbes сэтгүүлээс жил бүр хамгийн их орлоготой уран бүтээлчид, бизнесмэн, тамирчдыг зарладаг. Харин өнөөдөр та бүхэнд эмэгтэй дуучдын жагсаалтыг хүргэж байна. Жагсаалтын тэргүүнд дуучин Кэти Перри бичигджээ.
Дуучин бүсгүй 2017 оноос 2018 оны зургаадугаар сар хүртэл 83 сая ам.доллар олсон байна. Түүний орлогын ихэнх хэсгийг концертоос олсон ашиг бүрдүүлж байгаа аж. Кэти Перри 2018 онд өөрийн 5 дахь цомгоо танилцуулан дэлхий даяар 80 хоногийн аялан тоглолт хийсэн бөгөөд аялан тоглолтынхоо нэг шөнөд л гэхэд 1 сая ам.доллар олсон ажээ. Мөн түүний энэ жилийн ашиг орлогод хамгийн орлого нэмэгдүүлсэн нь "American Idol" тэмцээний шүүгчээр ажилласныхаа хөлс болох 20 сая ам.доллар юм.
Өнгөрсөн онд ашиг орлогоор нь жагсаасан уран бүтээлчдийн нэрс дунд Кэти Перри 9 дүгээр байрт орж байжээ.
Рейтингийн хоёрдугаар байранд дуучин Тейлор Свифт 80 сая ам.долларын орлоготойгоор жагсжээ. Тэрээр концерт болон "Reputation" нэртэй сүүлийн цомгийн худалдаанаас орлогынхоо эх үүсвэрийг бүрдүүлсэн байна.
Гурван байранд дуучин Бейонсе оржээ. Өнгөрсөн жил энэхүү жагсаалтыг тэргүүлж байсан дуучин бүсгүй энэ жил 60 сая ам.долларын ашигтай ажилласан байна.
