"Авито" сайтад дээд ангилалын гэж байсан, 1967 оны ЗИЛ-118 "Юность" загварын автобусыг нэгийг худалдсан тухай мэдээ гарчээ. Уг загварын автобусыг зөвхөн 20 ширхэгийг үйлдвэрлэж байжээ. “Чөтгөр ч бидэнтэй” гэсэн киноны зураг авалтад ашиглаж байсан автобусны гүйлт нь дөнгөж 100 км байсан ба үнэ нь 28 сая рубль хүрчээ. Энэ үнэ нь  Rolls-Royce Cullinan жиипийн суурь үнээс гурван саяар илүү байв. 

Тайлбарт нь өгүүлснээр “12” дугаартай ЗИЛ-118 "Юность" автобус Ялта хот дахь ЗХУКН-ын ТХ-ны Крымын амралт, асрамжийн сүлжээний үйлчилгээнд байжээ. Бүхээг нь 17 хүний суудалтай автобус мэргэжлийн бүх сэргээн шинэчлэлээр орсон ба оргинал төхөөрөмжүүдээр тоноглогдсон аж.

ЗИЛ-118 "Юность" нь засгийн газрын лимузины хөдөлгүүрийн хялбарчилсан загварын хөдөлгүүртэй ба энэ зургаан литрийн эзэлхүүнтэй мотор нь 150 морины хүчтэй ажээ. Автобусны дээд хурд нь цагийн 120 км ба 100 км-т 28 литр шатахуун зарцуулдаг.

Өнгөрсөн оны арванхоёрдугаар сард Ерөнхийлөгчийн машин гэж АМО-ЗИЛ ба "Депо-ЗИЛ" компаниудын үйлдвэрлэсэн "ЗИЛ-4112Р" загварыг худалдахаар оролдсон ч зарж чадаагүй гэж "Авто.ру" сайт бичсэн байна. Владимир Путинд гологдсон загварыг 70 сая рублиэр үнэлсэн байжээ.

М.Цогт