Их Британийн алдарт Coldplay хамтлагийн 20 жилийн түүхийг өгүүлэх "A Head Full of Dreams" баримтат кино гарах тухай бид мэдээлж байсан билээ. Тэгвэл өнөөдөр дэлхийн хамгийн том хамтлагуудын нэг Coldplay өөрсдийнхөө түүхийг бидэнтэй анх удаа хуваалцах гэж байна.

Coldplay хамтлаг A Head Full of Dreams баримтат киногоо Дэлхий даяар нэгэн зэрэг ганцхан удаа гаргах аж. Одоогийн байдлаар дэлхийн 77 улс гаргах гэж байгаа бөгөөд үүнд манай улс багтсан юм. Өнөөдөр орой 22:00 цагаас "A Head Full of Dreams" кино Гэгээнтэн кино театрт гарах юм. 

Уг киног Монголд гаргах хүсэлтийг Coldplay Mongolian Group группын админ явуулж, Coldplay хамтлаг хүсэлтийг хүлээн авснаар бид бүхэн тэдний гайхалтай түүхийг хуваалцах боломжтой болсон байна. 

Эгэл жирийн эхлэлээс дэлхийг уяраасан супер хамтлаг болсон тухай гайхалтай замналыг энэхүү киногоор үзүүлнэ. Киноны найруулагчаар Мэт Уайткросс ажилласан бөгөөд тэрээр Coldplay хамтлагийн ‘Paradise', ‘A Sky Full Of Stars', ‘Adventure Of A Lifetime' зэрэг дуунуудын клипны найруулагчаар ажиллаж байсан юм. Найруулагч Мат Уэйткросийн цуглуулсан хамтлагийн Дэлхийг хамарсан амьд тоглолтууд болон тайзны ард болж буй үйл явдлууд, хамтлагийн гишүүдийн залуу нас, карьерын эхэн үе, өмнө хэзээ ч дэлгэгдэж байгаагүй 20 жилийн турш бичигдсэн бичлэгүүдээр бүтээсэн аж.

Киног Монголд гарахтай холбогдуулан Coldplay Mongolian Group тусгай үйл ажиллагаа зохион байгуулж байгаа ба гол зорилго нь Монгол дахь Coldplay сонсогчдийг дэлхий дахинд тэр дундаа хамтлагийнханд таниулах аж.

Үүний хүрээнд өнөөдөр Гэгээнтэн кино театрт 20:00 цагаас цугларч ирсэн хүн бүр гар бие оролцон зургаа даруулж, зотон даавуун дээр гарын үсэг, тэдэнд хандаж хэлэх үгээ бичиж, хөгжөөнт тоглоомд оролцож тухайн өдрийг дүрсжүүлж дурсгалын видео бичлэг хийх аж. 

#AHFODfilm #AHFODfilmMongolia Энд дарж эвенттэй нэгдээрэй. 

Мөн Гэгээнтэн кино театрын 77776699 утсаар болон, www.gec.mn, https://coldplay.film хуудасруу орж тасалбараа захиалах боломжтой.