Лантуун дохио төрийн бус байгууллагаас хэрэгжүүлсэн Ид шидийн орон төсөл хөтөлбөр болон хүчирхийлэл, хүний наймаа, хүүхэд хамгааллын чиглэлээр тууштай ажиллаж ирсэн үйлс маань дэлхийн хэмжээнд үнэлэгдэж чадлаа. Тодруулбал Ten outsanding young person of the world буюу TOYP шагналыг Монгол улсаас төлөөлж Лантуун дохио төрийн бус байгууллагын тэргүүн Ч.Ганжавхлан хүртлээ. Ten outsanding young person of the world шагнал нь нэг хүнээр дамжин нэг улс, нэг байгууллага, нэг том хамт олны олон жилийн ажил хөдөлмөрийг үнэлдэг шагнал юм.

Тус шагналыг 1952 оноос хойш Jackie Chan, Orson Welles, Howard Hughes, Nelson Rockefeller, John F. Kennedy, Henry Kissinger, Gerald Ford, Benigno Aquino гэх мэт дэлхийд алдартай хүмүүс авч байсан түүхтэй. Монгол улсаас TOYP Japan буюу Японы шагналыг Зориг агсан, Монгол банкны ерөнхийлөгч Золжаргал асан нар авч байсан түүхтэй. Дэлхийн TOYP-г энэ жил анх удаа Монгол улсаас авч байгаа нь Лантуун дохио төрийн бус байгууллагын хамт олон болон мянга мянган ид шидтэй ах эгч, монгол түмний минь хувьд бахархалтай сайхан үйл явдал билээ.

JCI MONGOLIA байгууллага, удирдах баг, шагналын хорооны олон залуус голлох үүрэг гүйцэтгэж бүх материал зураг видео мэдээллийг нягтлан найруулж, бэлтгэж дэлхийн манлайлагч залуучуудтай өрсөлдүүлсэн юм. JCI MONGOLIA байгууллагын хамт олондоо маш их баярлалаа.

Лантуун дохио төрийн бус байгууллагыг үргэлж дэмжин ажилладаг бүхий л Монголчуудын шагнал гэдгийг бахархалтайгаар мэдэгдэж байна. Бид хамтдаа “Ид шид” байж болдог гэдгийг харуулсан, цаашид ч ид шидийг бүтээж, гэрэл гэгээтэй нийгмийг бүтээхэд хамтдаа илүү их хичээж ажиллах болно.

Лантуу дохио ТББ