Эртний Ирландчууд аравдугаар сарын 31-нд нар жаргах үеэс буюу үдэш гэгээ тасрахын хэрд дэлхий дээрх бүх сүнс цугларан тэнүүчилдэг гэж үздэг байжээ. Тиймээс айл бүхэн үүднийхээ гадна талд сүнснүүдэд хоол үлдээж дайлах ёсыг гүйцэтгэдэг байжээ.

Түүнчлэн Ирландад тухайн үед өвлийн эхлэл нь арван нэгдүгээр сарын нэгэнд гэж тооцдог байсан бөгөөд ард иргэд өвлийг айлгах, удаашруулах гэсэн үүднээс хулууг нүхэлж дотор нь гал асааж өвлийг айлгах дом хийсэн нь цаашдаа ийнхүү хөгжсөн ажээ. 

Энэхүү уламжлалаас үүдсэн Хэллоуны баярыг Ирланд, Шотланд, АНУ, Канад зэрэг олон оронд өдгөө өргөн дэлгэр тэмдэглэж байгаа билээ.

Хэллоуны баярын өдрөөр нүүрэндээ баг зүүж, сүнснүүдэд танигдалгүй хувцаслаж нуугдах ёстой аж. 

Энэ баярын бас нэгэн бэлгэдэл нь улбар шар хулуу юм.  Хойд Америкт харамчаараа алдартай Чарли гэгч хүн байжээ. Хахир муухай ааштай, хүнд өглөг огт өгдөггүй тэрбээр бие барахдаа ч энэхүү зангаа огт тавиагүй гэдэг. Тиймээс эд хөрөнгөндөө хоргодсон түүний сүнс Хэллоуны баярын үдшээр хулуу болон үзэгддэг болжээ. Эл түүхийг мэдэх хөршүүд нь Чарлигийн сүнснээс болгоомжилж, гэрээсээ холуур явуулахын тулд шар хулуунаас хамгийн томыг нь сонгон, дотор нь лаа асаан тавьж домнодог болжээ. 

Овсгоотой Америкчууд эртний энэ түүхийг ашиглан баг, хувцас чимэглэл, баярын ил захидал, хулуу зэргийг худалдаалж эхэлснээр аймшигт Хэллоуны баяр дэлхий даяар алдартай болжээ. Мөн энэ баярыг хар өнгөөр тодотгодог.

Дээр үед сүсэгтэй хүмүүс "бяцхан чөтгөр"-үүдийг баярлуулахгүй бол муу зүйл тохиолдоно гэдэгт жинхэнээсээ итгэдэг байсан тул муу ёрын сүнснүүдийн баяр хүүхдүүдийн хамгийн дуртай баяр болон хувирсан байна.

Хүүхдүүд янз бүрийн сүнс, шулам, чөтгөрийн хувцас өмсч, айл болгоны хаалгыг тогшин "Чихэр жимс өгөхгүй бол бид танд муу зүйл хийнэ шүү" хэмээн "айлгаж" амттан цуглуулдаг уламжлалтай болсон байна. 

Ирландаас маш олон тооны цагаачлагч АНУ руу гарч энэхүү баяраа тэмдэглэсэн нь ондоо утгаар баг, хувцас өмсөх мэтээр шоу хэлбэр орсон юм хэмээх нь ч бий. Америкчууд жил бүр 2.5 тэрбум ам.долларыг ганцхан өдөрт зориулдаг. Энэ бол чөтгөрүүдийн баяр буюу Халловений өдөр юм. Жил бүрийн аравдугаар сарын 31-ний өдөр дэлхий нийтээр энэ баярыг зул сарын дараагийнхад тооцон тэмдэглэж байна. 

Мартаж болохгүй алтан дүрэм нь өөрийнхөөрөө байж хэзээ ч болдоггүй. Ядаж л нүүрээ элдэв өнгийн будгаар будах хэрэгтэй. 

Нью-Йорк хотынхон энэ баяраас 40 сая ам.доллар олдог гэнэ. Аймшигт шулам, Дракула, араг яс, шар шувуу, хар муур, зомби, вампир, буг чөтгөр, хий үзэгдэл, элээ, хэрээ, муми, аалз, сарьсан багваахай гээд хамгийн этгээд гаж дүрийн эзэн болбол энэ баярын ялагч гэсэн үг.