“Веном” уран сайхны кино аравдугаар сарын 5-нд дэлхий даяар нээлтээ хийлээ. Хүний биетэй нэгдэж ирээдүйн гайхамшгийг бүтээх туршилт эцэстээ юу болж хувирах бол? Адал явдалт, комик номноос сэдэвлэсэн “Веном” уран сайхны киног "Zombieland" киног найруулж байсан Рубен Флейшер найруулж, киноны зохиолчоор Скотт Роүзенберг ажиллажээ. Киноны гол дүрийг бидний сайн мэдэх холливүүдийн алдарт жүжигчин Том Харди бүтээжээ.

Та бүхэн түүнийг "Mad Max", "The Dark Knight Rises", "Inception", "Warrior", "Legend" зэрэг кинонуудаар нь маш сайн мэдэх биз ээ.

Уг кино нь R-Rated буюу насанд хүрэгчдэд зориулагдсан үнэлгээтэйгээр гарах байх гэж маш олон хүн хүлээж байсан боловч PG-13 үнэлгээтэйгээр, 13 наснаас дээш хүн бүхэн үзэх боломжтойгоор гаржээ. Киноны зураг авалт 2017 оны аравдугаар сарын 23-нд Нью-Йорк хотын Атлантад эхэлж өнөөдөр та бүхэнд хүрэхэд бэлэн болжээ. 

“Веном” бол баатар гэхдээ бас эсрэг талын дүр хэмээн гол дүрийн жүжигчин Том Харди ярьжээ.