“ТОКИО 2020” Олимпын наадмын сайн дурын ажилтнуудын бүртгэл эхэллээ

2018/09/30

Хүн төрөлхтний эв нэгдлийн бэлэг тэмдэг болсон Олимпийн их наадам 2020 онд Токио хотод зохион байгуулагдана. Зөвхөн тамирчид л эх орноо төлөөлж Олимпийн наадамд оролцдог гэсэн ойлголт аль хэдийн ард хоцорч, таньд ч гэсэн боломж байгаа гэдгийг сануулахаар энэ удаагийн мэдээгээ хүргэж байна. Монгол улсад Олимпийн их наадам зохион байгуулагдах боломж хараахан болоогүй ч эх орноо төлөөлөх алт шиг боломж бидэнд байна.

“ТОКИО 2020” Олимпын наадмын сайн дурынхны дүрэмт хувцас хэдийнэ бэлэн болжээ.

Сайн дурын ажилтнуудад:

Олимпийн наадмын дүрэмт хувцсаар хангагдана (цамц, хүрэм, өмд, малгай, гутал болон цүнх)
Сайн дурын үйл ажиллагааны үеэрх хоол болон уух зүйлс
Сайн дурын үйл ажиллагаанд зориулсан даатгал
Таны байрлаж буй газраас үйл ажиллагаа хүртэл ирэхэд зарцуулсан унааны зардалтай тэнцэх хэмжээний мөнгө (1,000 иен = 22360 төгрөг/өдөрт)

Сайн дурын ажилтан нь өөрийн оршин суугаа газраас чиг баримжаа олгох сургалт, ерөнхий сургалтад хамрагдахаар ирэх тээврийн зардал буюу онгоцны тасалбар (сайн дурын ажиллагааны үеэр зарцуулсан зардал болон байрны зардлыг) өөрөө хариуцах ёстой аж.

Ажлын үүрэг, хугацаа, нөхцөл болон ялгааны талаарх дэлгэрэнгүй мэдээллэл

	Хотод үйлчлэх сайн дурын Ажилтан	Спортын үйл ажиллагааны үеэр үйлчлэх сайн дурын ажилтан
Удирдах байгууллага	Токио хотын захиргаа	Зохион байгуулах хороо
Байршил, үйл ажиллагаа	Онгоцны буудал дээр тээврийн хэрэгслийн мэдээлэл, Токио дахь үндсэн зогсоолууд, дурсгалт газрууд, спортын үйл ажиллагаа болон амьдарч буй газруудын хамгийн ойр цэгийн мэдээллийг жуулчдад өгөх	Олимпийн үйл ажиллагаатай холбогдолтой байгууламжууд болон Олимпийн хотхонд явагдаж буй үйл ажиллагаа, хэвлэл мэдээлэлд дэмжлэг үзүүлэх, үзэгчдэд үйлчлэх
Шаардлагатай сайн дурын ажилтны тоо	30,000	80,000
Сайн дурын ажилтны ажиллах хугацаа	Хамгийн багадаа таван өдөр ажиллах (амралтын цагийг оролцуулан өдөрт таван цаг ажиллах) Нэмэлтээр гучин минутын уулзалтыг ээлжийн өмнө болон дараа нь хийхээр төлөвлөсөн	Хамгийн багадаа арван өдөр ажиллах (амралтын цагийг оролцуулан өдөрт найман цаг ажиллах)
Өргөдлөө илгээх арга зам	И-майл, факс болон цахимаар өргөдлөө илгээх	Цахимаар илгээх
Өргөдөл гаргагч нь дараах шалгуурыг хангасан байх	- 2001 оны дөрөвдүгээр сарын нэгнээс өмнө төрсөн байх Япон улсын иргэн эсвэл Японд орших суух эрхтэй иргэн Японоор энгийн яриа өрнүүлэх чадвартай байх	2002 оны дөрөвдүгээр сарын нэгнээс өмнө төрсөн байх Япон улсын иргэн эсвэл Сайн дурын үйл ажиллагааны хугацаанд Японд оршин суух зөвшөөрлийн хүчинтэй визтэй хүн (түр хугацаанд ирсэн хүмүүс багтана)
Хүсэлт илгээх хугацаа	2018 оны есдүгээр сарын 26-наас 2018 оны арванхоёрдугаар сарын 5 хүртэл	2018 оны есдүгээр сарын 26-наас 2018 оны арванхоёрдугаар сарын эхэн хүртэл
Өргөдөл илгээх холбоос	http://www.city-volunteer.metro.tokyo.jp/en/join/application/outline/index.html	https://tokyo2020.org/en/special/volunteer/