"Playtime" наадмын тов өнөөдөр зарлагджээ. Ийм хурдан дараа жилийн постер болоод товыг зарлаж, эвент үүсгэсэн нь олон хүний сэтгэлийг хөдөлгөв бололтой. Энэ жилийн наадамд олон сонирхолтой үйл ажиллагаа, шинэ шинэ хөтөлбөрүүд байсан. Ирэх жил ямар байх бол?
Ирэх жилийн "Playtime" наадам 2019 оны долдугаар сарын 5-7-ны хооронд болох болно!
Мөн томоохон наадам, фестивалуудын хувьд ийм эрт зарлагдаж байгаа анхны тохиолдол байх хэмээн зарим хүмүүс үзэж байна.
Постерын хувьд хар цагаан өнгөний хослол байгаа нь тун сонирхолтой. Олон янзын өнгө дүрс солонгорсон өмнөх постеруудыг бодвол хамаагүй "зэвүүн" болсон мэт санагдана.
Мөн уламжлал ёсоор Гачууртад болох ба ямар хамтлаг дуучид ирэх нь мэдээж ирэх он хүртэл нууц байна байх. Дор бүрнээ ямар хамтлаг дуучид ирэх, юу болохыг тааварлан, догдолж суух л үлдлээ. Та бүхэн мөн өөрсдийн таамаглалыг сэтгэгдэл хэсэгт бичиж үлдээж болох юм! Эвентийг сонирхох бол ЭНД дарна уу.
