“Авьяаслаг Монголчууд” шоу нэвтрүүлэг энэ жил гурав дах удаагаа зохион байгуулагдаж үзэгч та бүхний сэтгэлийг баясгах гэж байна. Бүтэн жил завсарласан шоу нэвтрүүлэг шинэ өнгө, шинэ дүр төрхтэйгээр үзэгчиддээ хүрэх гэж байна.

“Авьяаслаг Монголчууд” шоуны хамт олны зүгээс үзэгчдэд барьсан хамгийн эхний шинэ мэдээ бол шүүгчдийн бүрэлдэхүүнд өөрчлөлт орсон явдал юм. 

Тив дэлхийд дуу хоолойгоороо гайхагдаж, Монгол улсын нэрийг цуурайтуулж яваа энэ залуу бол 23-хан насандаа МУГЖ цол тэмдэгээр энгэрээ мялааж, Монгол Улсын төрийн дээд, тэргүүн зэргийн “Чингис хаан” одонт бид бүхний хайр хүндэтгэлийг хүлээсэн дуучин Г. Ариунбаатар юм.

Шоуны дараагийн шүүгч бол цоглог эрч хүчтэй дайчин бүсгүй юм. Түүний бүтээсэн дүр хийсэн бүтээлүүд нь үзэгч олны таашаалыг хүртсэн жүжигчин, продюсер, найруулагч МУСТА Г.Ундармаа сонгогджээ.

Үзэгч олны дунд нүдэнд дулаахан төрх, уран яруу үг, бүсгүй хүний ялдам аалиараа танигдсан “Монгол тулгатны 100 эрхэм” төслийн санаачлагч, хөтлөгч, продюсер П.Анужин юм. 

Харин дараагийн шүүгчээр “Авьяаслаг Монголчууд” шоу нэвтрүүлгийн эхний хоёр улирал шүүгчийн үүргийг гүйцэтгэж найман настай балчираас наян настай буурай хүртэл түүнийг хайрлан хүндэтгэх болсон, өөрийн үзэл бодолдоо бат зогсдог, шулуун шударга зантай түүнийг жүжигчин реппер продюсер Rokit bay гэдгээр нь бид бүгд мэднэ. Тэрээр гурав дах жилдээ “Авьяаслаг Монголчууд” шоуны шүүгчээр сонгогджээ.

Авьяаслаг Монголчууд шоуны бас нэгэн хариуцлагатай хүнд үүргийг гүйцэтгэдэг хүн бол яах аргагүй хөтлөгч байдаг.

Тэгвэл  шоуны 3-р улирлын хөтлөгчөөр Б.Мандуул сонгогджээ. Түүнийг Монгол ТВ-ийн “Өнөө өглөө” нэвтрүүлгийн хөтлөгч гэдгээр нь мэддэг болсон.
Тус шоуны шүүгч Рокитбэй хөтлөгч Мандуулыг өөрийн багтаа элсүүлэн багийн бусад гишүүдийн эрэлд гаргасан нь хэр амжилттай үргэлжлэхийг бид тун удахгүй харах болно.
Олны дундаас онцгойг тодруулах шоуны маань хөтлөгч хамгийн эхний даалгавраа хэрхэн биелүүлэх бол?