МИУЧЧА ПРАДА
Өнөөдөр юунаас эхлэх вэ гэдэг л надад хэцүү асуудал болдог. Уншаад эхэлсэн хориод ном намайг үргэлж хүлээж байдаг. Өшөө дээр нь тонн сэтгүүлүүд байгаа ш дээ. Миний соёлын үндэс нь XVIII ба XX зууны орос, франц, немец, япон уран зохиолууд юм. Гэхдээ Стендаль, Руссо хоёрыг уншсаны дараа жинхэнэ сонирхолтой ном олоход хүндхэн болжээ. Дээр нь би арт цомгийн урьдатгал үгийг унших дуртай. Цомгийн хуудсыг эргүүлээд байдаггүй мөртлөө үргэлж л урьдатгал үгийг нь уншдаг хүний нэг би юм.
КАРЛ ЛАГЕРФЕЛЬД
Эмили Дикинсоны яруу найраг бүхнээс дээгүүр! Бас Малларме, Рембо, Верлен байгаа. Би Гётегийн яруу найргийг бишрэгч биш гэхдээ түүнд дуртай. Миний библи бол Сантяан Жоржийн “Гоо үзэсгэлэнгийн мэдрэмж” юм. Сидони Габриэль Колеттын La naissance du jour түүвэр нь миний Сен-Тропе, Виржини Вулфт хандах хандлагыг минь өөрчилсөн дөө.
РИК ОУЭНС
Залуу байхад минь гоо үзэсгэлэнд үг дуугүй захирагдах нь амьдрах ганц арга гэж Жорис Карл Гюисмансын “Эсрэгээр” роман итгүүлж билээ. Манай гэр бүлийнхэн сонсож ирсэн Вагнер намайг Матильда Везендонкийн шүлэгт дуртай болгожээ. Хөгжмийн зохиолч яруу найрагчийн таван шүлгийг дуу болгосон хүн. Тэдний Schmerzen, Traume хоёрын аяанд би 2013 оны намар-өвлийн шоугаа явуулсан юм.
МАРК ЖЕЙКОБС
Миний дуртай зохиолч Дэйзи Бьюкенены хайртай ном "Агуу Гэтсби" романд би Daisy сүрчгийг зориулан бүтээж билээ.
ЖОНАТАН АНДЕРСОН
Ирландчууд түүхийг гайхалтай ярьдаг, би манай уран зохиолоор бахархдаг. Драмын сургуульд байхад минь Сэмюэль Беккетын "Эндшпиль" роман алмайруулж байлаа. Жойсийн "Улисс" романыг би таван жилийн турш дахин дахин уншсан. Тэр нь уран зохиолын талаарх миний хандлагыг өөрчилсөн билээ. Шеймас Хинийн "Малтагчид" ээжийн минь дуртай шүлгүүд юм. Флэнн О’Брайены "Хоёр шувууны хөвөлт" Ирландын гайхамшигтай роман. Америкийнх гээд андуурч хэлээд байдаг Брэм Стокерын "Дракула" ч гайхамшигтай.
ХАЙДЕР АКЕРМАНН
Ник Кейвын "Банни Манрогийн үхэл", Дороти Паркерын "Not Much Fun", Иэн Макьюэны "Эрэгт" , Филип Ротын "Ердийн хүн" , Майкл Орландо Яккариногийн бичсэн Луиза Казатийн намтар миний дуртай номнууд юм.
ИНЕС ДЕ ЛЯ ФРЕССАНЖ
Гектор Малогийн "Гэр бүлгүйгээр" тууж нь миний хүүхэд ахуй цагийг санагдуулдаг. Франсуаза Саганы номонд би ямагт дурладаг. Элен Ферранте хойш тавьж боломгүй номыг бичдэг хүн дээ.
М.Цогт
