Америкийн Bronze 56k брендын онлайн-дэлгүүрт хэт урт жийнс гарч ирлээ хэмээн Metro хэвлэл зарлажээ.

Өмдний урт нь бараг 267 сантиметр, бүсэлхийн хэмжээ нь  90 сантиметр ажээ. Цайруулсан жийнсэн өмдний гуяыг хөх, цагаан цэнхэр, хөхөөс цагаарсан гэх гурван хэсгээр оёжээ. Extendo pants нэртэй сайтад үзүүлснээр,  өмдийг Sophisticated adult entertainment (“насанд хүрэгчдийн шилдэг цэнгээн”) гэж нэрлэжээ. Бүтээгдэхүүний тайлбарт “Юу гэнэ ээ? Та үүнийг худалдан авч байгаа юм уу!” гэж өгүүлсэн байна. Хэтэрхий урт жийнсний үнэ нь 500 доллар гэнэ.

Bronze 56k  гэх  скейт-бренд нь Нью-Йоркийнх ба тэр Windows ’95 ба бусад программ хангамжийн хуучирсан стилийн принттэй хувцас  бүтээдэг.

Зургадугаар сард Bless нэртэй бренд үйлдвэрлэгч Mesh jeans (“тортой жийнс”) гэх бүтээгдэхүүнээ Opening Ceremony ретейл-дэлгүүрийн сайтад танилцуулсан байв. Хуучин Levi’s 501 өмдийг шинэ загвар болгохдоо дизайнерүүд бүрэн шинээр өөрчлөн хажуу талаар нь зүсээд тунгалаг тороор залгаас хийжээ. Тэр нь колготкийг санагдуулж байлаа. Тийм өмд нь ташаанаасаа  шагай хүртэлх хөлийн  хэмийг үзүүлэх боломжийг бүсгүйчүүдэд өгчээ.

М.Цогт