Дархан аварга Х.Баянмөнх Допингийн эсрэг Үндэсний төвийн удирдлага болон эмч нарыг шалгуулахаар АТГ-т хандсан. Тодруулбал, тус төвд ажиллаж байгаа хүмүүс нь ах дүү, хамаатан садны холбоотой. Шинжилгээ авахдаа ямарч хяналтгүй явагддаг. Тиймээс эдгээр хүмүүсийг шалгуулахаар болсон хэмээн мэдэгдсэн юм. 

Тэгвэл өнөөдөр АТГ-т мэдүүлэг өгөхөөр дуудагджээ.

Тэрээр хэлэхдээ: Допингийн эсрэг төвийн үйл ажиллагаа тодорхойгүй, допинг илрүүлэх ажил шаардлага хангахгүй, хууль дүрэм, эрх ашиг зөрчсөн, хяналтгүй байгууллага гэж үзэж байгаагаа хэллээ.

Энэ төвд ажиллаж байгаа хүмүүсийн дийлэнх нь төрөл садангийн хүмүүс байдаг. Допингийн эсрэг төвийн захирал, эмч, ханалтын ажилчид нь гэр бүлийн, ойр дотны харилцаатай учраас үйл ажиллагаа нь эргэлзээ төрүүлдэг. Тиймээс ч авлигын шинж чанартай байж магадгүй гэж үзээд АТГ-д хандсан гэв. Бөхчүүдийн допингийн асуудал сүүлийн 10-аад жил ямар ч хууль, дүрэмгүй явж ирлээ.

Хөндлөнгийн хяналтгүй, ганц эмч сувилагчийн мэдэлд байдаг боллоо. Энэ нь даамжирсаар бөхчүүдийг дарамталдаг, шантаажилдаг болсон байна. Улсын баяр наадамд түрүүлж, үзүүрлэсэн бөхчүүдийг залхаан цээрлүүлэх арга болсон хэмээлээ. Энэхүү асуудлаас болж наадмаар ямар нэгэн асуудал дэгдэх шинж ажиглагдаж эхэллээ хэмээн АТГ-т мэдүүлэг өгөх үeэрээ сэтгүүлчдэд мэдээлэл хийсэн юм.