Нью-Йорк хотноо жил бүр зохион байгуулагддаг хот-дог идэх эмэгтэйчүүдийн тэмцээнд америк бүсгүй Мики Судо дэлхийн дээд амжилт тогтоон ялалт байгуулжээ.
Бүсгүй 10 минутын дотор 48,5 ширхэг хот-догийг залигласан байна.
Уг тэмцээн нь АНУ-ын тусгаар тогтнолын өдрөөр болдог бөгөөд тэмцээнийг ESPN телевиз дамжуулан үзүүлжээ. Энэ удаа тэр эмэгтэй тэмцээний дээд амжилтыг тогтоохын зэрэгцээ өөрийн дээд амжилтыг эвдсэн байна.
Тэрээр 2017 онд 41 хот-дог идсэн амжилттай байсан бол өнгөрсөн оны тэмцээнд дөнгөж 31 ширхэг хот-догийг цааш нь харуулсан аж.
Судо бүсгүй 2014 оноос хойш энэ тэмцээнд завсаргүйгээр ялж иржээ. Хот-догийг хурдан идэх анхны тэмцээн анх 1916 онд явагдсан ба түүнд 12 минутын дотор 13 зайдас идсэн Жим Маллен гэх бүсгүй түрүүлсэн түүхтэй. Түүнээс хойш дайны жилүүдээс бусад жилүүдэд тэмцээн явагдаж ирсэн байна.
Харин энэ жил тэмцээн коронавирусийн улмаас үзэгчгүйгээр нууц газар явагдсан аж.
М.ЦОГТ
