K-pop хамтлагийн менежментийн компани болох Big Hit Entertainment-ийн хувьцаа өнөөдөр Өмнөд Солонгост арилжаалагдаж эхэллээ. Энэхүү хувьцаа нь тус улсад 2017 оноос хойш хамгийн их хүлээлттэй байгаа бөгөөд олон нийтэд санал болгож буй хувьцаа бүрт хэдэн зуун урьдчилсан захиалга өгч байгаа анхны тохиолдол гэдгээрээ хөрөнгө оруулагчдыг сандаргаж байна.

Хөрөнгө оруулагчдын хошуурч байгаа зүйл нь BTS эсвэл түүний менежментийн компани биш, шүтэн бишрэгчдийн экосистем байж болно.  BTS-ийн фэнүүд дуу хөгжимд хамгийн их дуртай хүмүүс гэдгээрээ алдартай. Тэд хамтлагийн концерт бүрийн нэг хэсэг байдгаас гадна BTS-ийн контентыг орчуулах, олон нийтийн медиа кампанит ажлыг өндөр түвшинд зохион байгуулах зэрэг хамтлагт зориулсан үйлчилгээг урам зоригтойгоор гүйцэтгэдэг.

Өөрсдийгөө арми гэж нэрлэдэг фенүүд нь олон янз бөгөөд хүйс, нас, шашин шүтлэг, харьяалал харгалзахгүй. Гэсэн ч хөвгүүдийн хамтлагууд ихэвчлэн богино насалдаг тул хөрөнгө оруулагчид тус компанийг BTS-ээс хэт хамааралтай байгаад санаа зовж байна.

Big Hit компани өнгөрсөн онд 86 сая долларын ашигтай ажилласан гэж мэдээлсэн бөгөөд компанийн 20 орчим хувийг хөрөнгө оруулагчдад санал болгож 800 гаруй сая доллар босгосны дараа 4 тэрбум орчим долларын үнэлгээтэй болов.  BTS өнгөрсөн жил дэлхийн хамгийн ашиг орлоготой аялан тоглолтын эзэн болсон бөгөөд нэг тооцоогоор Өмнөд Солонгосын эдийн засагт жил бүр 3.5 тэрбум гаруй доллар нэмдэг аж.

Бү.Лхамаа

Эх сурвалж: nytimes.com