“Монголын бүжгийн спортын холбоо” ТББ-аас санаачлан Нийслэлийн Засаг даргын Тамгын газар, нийслэлийн Соёл урлагийн газартай хамтран "Улаанбаатар хотын бүжгийн спортын аварга шалгаруулах тэмцээн"-ийг 2020 оны 10 дугаар сарын 08-ны өдөр “Буянт Ухаа спорт ордон”-д зохион байгуулна.
Бүжгийн спортын клубууд болон хамтлагууд, бүжигчдийн хүсэн хүлээн байж оролцдог тус тэмцээн 8 насны ангиллаар зохион байгуулагдах ба тамирчин хөгжүүлэх, зэрэглэлийн, формейшн тэмцээнд бүжгийн спортын тамирчид Улаанбаатар хотын аваргын төлөө өрсөлдөнө.
Үүнд:
- Хүүхэд нас-0
- Хүүхэд нас-1
- Хүүхэд нас-2
- Өсвөр нас-1
- Өсвөр нас-2
- Залуучууд
- Насанд хүрэгчид
- Сениор
"Улаанбаатар хотын бүжгийн спортын аварга шалгаруулах тэмцээн"-д нийслэлд үйл ажиллагаа эрхэлж буй бүжгийн спортын клубууд болон хамтлагууд, бүжигчид оролцоно.
