-«Эксмо» хэвлэлийн газар, өөрийн 50 насны ойд зориулан супермоделийн бичсэн номыг танилцуулж байна-

Толгой эргэм карьер, азтай гэрлэлт, эх болсон зэрэг өөрийн ололтууд дээр түшиглэн Синди Кроуфорд намтрын номоо төрсний 50 жилийн ойдоо зориулан бичив. «Амьдарч, бишрүүлэх» нэртэй ном нь өөрийн намтар ба ховор нандин зураг чимэгтэй. Гялбаа сэтгүүлийн хуудаснаа харж байгаагүй ховор зургуудыг моделийн хувийн архиваас номонд олноор оруулжээ. Энэ шинэ номын хэсгүүдээс нийтлэв.

Моделингийн урлаг

«…Модель байхын тулд зөвхөн хөөрхөн байх хангалттай биш. Үнэн хэрэгтээ хамгийн сайхан хүмүүсээс сайн модель төрөөд байдаггүй. Моделийн ажилд зурагт сайхнаар буух, камерын өмнө бие авч явах чадвар маш чухал. Нэн түрүүнд хамгийн гол суурь нь болох зогсож сурах нь чухал. Зүгээр ч нэг зогсохгүй, өгзөг бөгс нарийн, мөр өргөн мэтээр зогсох, үсээ зөв хаялах, жаргаж байгаа нарыг харахдаа нүдээ онийлгохгүй байх хэрэгтэй. Сайн моделиуд гэрэл зургийн аппаратыг  хараад л кадрыг сайжруулахад  юу хийж болохоо ойлгодог».

Супер моделиуд 

« Герб Ритц 1989 оны хавар Стефани Сеймур, Наоми Кэмпбелл, Линда Евангелиста дээр намайг оролцуулан  Rolling Stone сэтгүүлийн зураг авалт хийж билээ. Тэр биднийг нүцгэнээр бие биендээ наалдан зогссон байдлаар Холливудын толгод дээрхи байшингийн  банзан шалан дээр зургаа авсан юм. Ритц бидэнтэй хамт  үдийн хоолонд топ-модель Кристи Тарлингтоныг урьсан байв. Calvin Klein-тай гэрээтэй байсан болохоор Кристи зураг авалтад оролцоогүй. Гэтэл Глеб түүнийг хараад ирээдүйгээ мэдсэн юм шиг зураг авалтад түүнийг оролцуулсан юм. Ингээд бид тавын зургийг “Нүцгэн моделиудтай твистер” нэрээр зөвхөн 1996

онд нийтлүүлэн алдаршуулсан юм».

Эхийн зуршил

«Энэ нь миний амьдралдаа хийсэн хамгийн хэцүү, хамгийн хүнд ажил байсан  юм. Гэхдээ үүний төлөө авсан миний шагнал нь юутай ч зүйрлэшгүй. Жирэмсэн байх дуртай эмэгтэйчүүдийн нэг гэж өөрийгөө  хэлэхийг хүсч байна. Үнэндээ бол би жирэмслэлтээ  тэгж удаан хүсэн хүлээсэн зорилгодоо хүрэх хэрэгсэл гэж хүлээн авч байлаа. Гэхдээ  миний биеийн өөрчлөлт нь өмнөх шигээ болж чадах болов уу гэсэн үл итгэлтэй нийлэн үнэхээр айлгасан юм».

Галбир

«Би хоолны дэглэм хэзээ ч барьж байгаагүй, зөв хооллолтын талаар бүрхэг ойлголттой байлаа. Би чинь мах, төмс, десерт, элдэв амттан дээр өссөн хүн. Дунд сургуулийн биеийн тамирын хичээлийг тооцохгүй бол би  спортоор олигтой хичээллэсэнгүй. Удалгүй би ажил дээрээ өмсдөг хувцсандаа  багтах гэвэл хандлагаа өөрчлөх хэрэгтэйг ойлгосон юм. Ингээд би тэр үеийн загварын ертөнцийн хайртай хүмүүс Кельвин Клайн,  Бьянка Жаггер нарын фитнесийн багш Радугаас зөвлөгөө авч эхэллээ. Ажлын  дараа орой бүр л Тавин долдугаар гудамж дахь түүний жижигхэн студи руу хөлөө чирээд л зүглэнэ. Тэр надтай өөрийн румын арга барилаар хичээллэж байв. Өмнөх амьдралдаа байгаагүй сайн формд би орсон доо. Өнөөг хүртэл Радугийн сургасан нь миний дасгалын суурь болж байгаа».

Хөгшрөлт

«Хөгширч буйдаа тайван ханддаг. Эцсийн эцэст  энэ бие галбиртай холбоотой  ёстой дэгжин дурсамжууд надад байгаа. Надтай адилхан гэдэг охиноороо  тохуурхах дуртай. “Миний өмнөх үсийг чи авчихсан байна. Алив буцаагаад аль” эсвэл “миний өмнөх хөлийг чи авчихсан юм уу, алив буцаад өг” гээд л нэхнэ. Тэр хариуд нь инээгээд л “Одоо миний ээлж” гэдэг. Зөв л дөө».

М.Цогт