Warner Bros студи Токио хотод 2023 онд Харри Поттерын ертөнцөөс сэдэвлэсэн парк нээхээр төлөвлөсөн гэдгээ мэдээлжээ.
Кино парк нь Токио хотын төвөөс 30 минутын зайд орших Нэрима дүүрэгт баригдахаар болсон байна.
Сэдэвчилсэн паркт хүрэлцэн ирсэн зочид шидтэн хүүгийн тухай алдарт кинонд ашигласан костюм, декорац болон бусад эд хогшлуудыг үзэж сонирхох боломжтой аж.
Кино паркт зориулан Хогвартс сургууль, Муруй гудамж, Хориотой ой, Гринготтс банк зэрэг шидтэний ертөнцийн бүхий л чухал байршлуудыг бүтээн байгуулахаар болжээ.
Нийт 30 мянган м2 талбайтай сэдэвчилсэн парк нь яг л Харри Поттерын ертөнцөд ирсэн мэт мэдрэмжийг таньд төрүүлэх болно гэжээ.
