Харви Вайнштейнаас салсны дараа Жоржина Чапман хэрхэн амьдарч байна вэ?

Danny Moloshok/Reuters: Жоржина Чапман

Холливудын нөлөө бүхий продюсер байсан Харви Вайнштейны эхнэр байсан Жоржина Чапман сүүдрээс гарч эхлэв. Модельер  бөгөөд  Marchesa брендыг үүсгэн байгуулагч 2017 оны аравдугаар сараас  хойш  далдуур буруутгагдаж байгаад загварын аж үйлдвэрлэлд эргэн ирлээ.  Тэр “өршөөгджээ”.  Хэн түүнд туслав.

Өнгөрсөн оны аравдугаар сард Холливудын хэдэн арван эмэгтэйчүүд сексийн дарамт үзүүлсэн гэж орчин цагийн хамгийн  нөлөө бүхий продюсер Харви Вайнштейныг буруутгаж эхэлсэн юм.  Олон хүний нэр төр, карьерыг  тэр дуулиан  устгав. Вайнштейнд хүчтэй эсэргүүцэл зарласны дараа одод түүний эхнэр Жоржина Чапмены үүсгэн байгуулсан Marchesa маркийн гоёлыг өмсөхөө  больсон билээ.

Вайнштейны эхнэрийн гар хүрсэн гоёлоор ганц ч жүжигчин гоёхгүй болсон мэт л санагдаж байв.

Danny Moloshok/Reuters: Харви Вайнштейн ба  Жоржина Чапман, 2017 он

Сексийн шахалт дарамтаас гадна аравдугаар сард продюсерт бас нэг хэрэг нэмсэн нь түүний эхнэрийн  уран бүтээл нь  нөхөртэй нь шууд холбоотой гэсэн дуулиан байв. The Hollywood Reporter  хэвлэл Жоржинагийн гоёл улаан хивсний зочдод алдартай байдаг нь Вайнштейны шууд оролцоо гэв. Тэрбээр өөрийн эхнэрийн хувцсаар  чухал ёслолуудад дээр гоёхыг  киноныхоо оддоос шаардаж байсан болж таарав.

Чапманы бизнесийг  хэтэрхий  дэмжиж байсан нь тэргүүн зэргийн ододтой холбоотой  хачирхалтай хэрэг явдлыг өдөөсөн байна. Хэвлэлийн эх сурвалжийн мэдээгээр “Би Энди Уорхолын толгойг эргүүлсэн” гэх киноны жүжигчин Сиенна Миллерыг продюсер 2006 онд  эргүүлж дарамталж байсан болж таарлаа. Тэр жүжигчин эмэгтэй “Алтан бөмбөрцөг” шагнал дээр өөр дизайнерын хувцсаар гоёх гэж байтал нь түүний багийнхан

“Marchesa-гийн хувцсаар гоёхгүй бол Вайнштейн их л дургүй байх болно доо”  гэж хэлсэн гэх.

Bebeto Matthews/AP: Marchesa үзүүлбэр, 2017 он

Хэрэв улаан хивсний ёслолд Marchesa өмсөхгүй бол  санхүүгийн дэмжлэгээ Вайнштейн «Трансамерика» кинонд нь үзүүлэхгүй гэж “Ааштай гэрийн эзэгтэй нар” киноны од Фелисити Хоффманыг сүрдүүлсэн гэж өөр нэг эх сурвалж ярьжээ.

Сүүлийн 13 жилийн дотор Жоржина Чапманы хувцсаар яанз бүрийн арга хэмжээ дээр янз бүрийн шалтгаанаар гоёж байсан Вайнштейны  кинонуудын одод дунд Николь Кидман, Женнифер Лоуренс, Кейт Бланшетт зэргийн олон мундаг жүжигчид байсан юм.

Нөлөөтэй эрээр хөтлүүлэхээс татгалзсан  олны дотор  жүжигчин Ж ессика Честейн байгаа. Түүний хэлснээр, тэр    продюсерын ойрын хүрээнийхэнд хэл амаар бишгүй доромжлуулж, цөөнгүй дүр аваагүй ажээ.

Дуулианы дараа  Чапман  салах өрөгдлөө өгч, брэндийн үзүүлбэрээ Нью-Йоркийн үзүүлбэрт үзүүлэхээ зогсоожээ.  Шоуг болиулсан нь  алдартай брэндийн хэрэг явдал тааруу болжээ гэсэн яриаг гаргав. Гэхдээ Чапман Vogue US  сэтгүүлд ярилцлага өгөхдөө “улирлын шагналуудад” өөрийн гоёлыг санал болгохгүй байхаар шийдсэн гэв. “Үүссэн нөхцөл байдлын улмаас  бид   үзүүлбэрээ зогсоох нь зөв гэж бодсон юм. Хэлмэгдсэн бүх эмэгтэйчүүд  хүндэтгэл хүлээсэн хүмүүс. Тиймээс би тодорхой хугацаанд хүлээхээр шийдлээ. Үнэн хэрэгтээ эмгэнэлтэй цаг ирлээ” хэмээн Жоржина ярьсан байлаа.

Жоржина  хагас жил олны өмнө харагдаагүй. Түүний гоёлууд түүнээс ч удаан харагдаагүй.  Харин энэ бүгд тавдугаар сарын 7-нд Скарлетт Йоханссон костюмын хүрээлэнгийн  Met Gala  арга хэмжээнд Marchesa  брэндийн гоёлоор гангарсны дараа байдал өөрчлөгджээ. Скарлетт Чапманыг дэмжсэн хүмүүсийн анхдагч биш.

Bebeto Matthews/AP: Marchesa-гийн хуримын даашинзууд, 2017 он

“Олон хүн надтай холбогдон “Надад өмсөх ямар нэгэн гоёл өгөөч”  гэж байв”, Жоржина Чапман Vogue сэтгүүлд ярьсан байгаа.

Хэдэн сарын өмнө хатагтай Анна Винтур Marchesa брэндийг “ивээлдээ” авсан байв.  Гуравдугаар сарын 18-нд Винтурын жин ихтэй Америкийн загварын дизайнеруудын зөвлөлд Чапманыг очиход  мэргэжил нэгтнүүд нь нижигнэтэл алга ташин угтаж байлаа. Vogue сэтгүүлийн зургадугаар сарын дугаарт редакторын захидал нийтлэгдсэн ба түүнд  Харвийн эхнэр нөхрийнхөө адал явдлыг огт мэдээгүй байсан  гэдэгт бүрэн итгэлтэй хэмээн Винтур бичсэн  байгаа.  Манай дижиталын харгис эринд өөр хүний үйлдсэн хэрэгт түүнийг буруутгах нь  болчимгүй хэрэг” гэж Винтур бичжээ.

Eduardo Munoz/Reuters: Скарлетт Йоханссон ба инээдмийн жүжигчин  Колин Йост  Met Gala ёслол дээр.

Дизайнерын  дотны найз, Вайнштейны  хамтран бүтээгч асан Нил Гейман “Муу нөхөртэй тааралдсан сайн эмэгтэйчүүдийн ангилалд Чапман багтана” гэсэн байв.   Одоо Чапман хэрэг явдалд  гүн ухаан талаас нь хандан “Би хохирогчийн байр сууринаас өөрийгөө харахыг хүсэхгүй. Учир нь өөрөө тийм биш гэж үздэг. Би бол заваан байдалд орсон хүүхэн, гэхдээ түүхэнд  анхны тийм хүн биш” гэж ярих болжээ. Анна Винтур өөрийн захидалдаа  хүн өөрийн түншийн  үйлдлийг тээн хариуцах ёсгүй гэж онцлон бичсэн байна.

М.ЦОГТ