Та бүхний сайн мэдэх Английн домогт Queen хамтлагийн тухай өгүүлсэн “Bohemian Rhapsody” кино анхны трейлерээ нийтэд толилууллаа. "20th Century Fox” студиэс бүтээж байгаа уг кинонд Queen хамтлагийн 15 жилийн түүхийг өгүүлэх ба байгуулагдсан цагаас нь эхлэн 1985 оны Live Aid концерт хүртэл үзүүлжээ. Киноны гол дүрд Рами Малек тогложээ. Queen хамтлагийн шүтэн бишрэгчид Рами Малекийг алдарт Фреддигийн дүрийг бүтээж чадах болов уу хэмээн эргэлзэж байсан билээ. Тэгвэл энэ трейлер тэдний асуултад хариутыг өглөө.

Queen хамтлаг нь Лондон хотод 1970 онд байгуулагдсан бөгөөд хорь гаран жил бүрэлдэхүүнээ өөрчлөөгүй нэг ч удаа өөрчлөөгүй юм. Мөн дэлхийд хамгийн олон цомог борлуулсан хамтлагийн тоонд зүй ёсоор ордог.

Queen хамтлагийн тухайд хамтлагийн дөрвөн гишүүн дөрвүүлээ ая зохиодог байсан ба үүнээс улбаалан тэд хөгжмийн олон хэв маягийг тодорхойлдог байв. Queen хамтлагийн хамгийн алдартай дуунуудын тоонд Фрэдди Мэркүригийн зохиосон We are the champions, Брайн Мэйгийн зохиосон We will Rock you, Рожэр Тэйлорын Another one Bites the dust, Жон Диконы Rodio Ga Ga зэрэг гайхалтай бүтээлүүд орно. Queen хамтлаг 700 гаруй амьд тоглолтыг хийсэн байдаг. 

Тус хамтлагийн тухай “Bohemian Rhapsody” кино энэ оны 11 дүгээр сарын 2-ны өдөр нээлтээ хийнэ.