Оросын төдийгүй дэлхийн улс орнуудын хүүхэд багачуудын үзэх дуртай “Чамайг даа” хүүхэлдэйн киноны 50 жилийн ойг тохиолдуулан “Союзмультфильм” компани шинэ цуврал ангиуд хийх болсноо мэдээлжээ. Энэ тухай кино студийн тэргүүн Юлиана Слащева зарласан байна.
Мөн тус студийн дэд захирал Ольга Голодец энэ шинэ ангиуд нь өнөөгийн хүүхэд багачуудад жинхэнэ бэлэг болно гэжээ. Тэрээр “Манай чоно туулай хоёр баатрын 50 жилийн ойд зориулж бид шинэ цуврал гаргахаар бэлтгэж байгаа. Бидний төлөвлөж байгаагаар 26 шинэ анги гарна” гэсэн байна.
“Чамайг даа” хүүүхэлдэйн кино анх 1969 оны тавдугаар сард дэлгэцэнд гарснаас хойш 18 цуврал гарч хамгийн сүүлийн анги нь 1994 онд гарчээ. Үүний дараа “Кристмасс Фильмз” студи дахин хоёр нэмэлт цуврал гаргаж байсан аж.