Израилын Засгийн газар Францын зүүний 27 улстөрч, албаны хүмүүсийн визийг айлчлалаас нь хоёр хоногийн өмнө цуцалсан тухай France24 агентлаг мэдээллээ. Тэд Иерусалим дахь Францын консулын урилгаар Израил болон Палестинд тав хоногийн айлчлал хийхээр төлөвлөж байсан бөгөөд энэхүү шийдвэр нь сүүлийн өдрүүдэд улам хурцдаж буй дипломат зөрчлийг илтгэж байна.

Монгол Улсад хавсран суух гадаадын таван орны Элчин сайд Ерөнхийлөгч У.Хүрэлсүхэд Итгэмжлэх жуух бичгээ өргөн барилаа. Эл үйл явдлын хүрээнд Малайз, Португал, Колумб, Ирланд, Босни Херцеговин улсаас хавсран суух Онц бөгөөд Бүрэн эрхт Элчин сайд нар Төрийн тэргүүнд бараалхаж, үүрэгт ажилдаа орж байгаагаа албан ёсоор баталгаажуулсан байна.

Монгол, Оросын тээврийн салбарын хамтын ажиллагааны хүрээнд төмөр замын инженер, техникийн ажилтан, мэргэшсэн боловсон хүчнийг бэлтгэх чиглэлээр хамтран ажиллахаар талууд тохиролцлоо. Энэ талаар Зам, тээврийн сайд Б.Дэлгэрсайхан болон ОХУ-ын Эрхүү хотын Зам харилцааны их сургуулийн ректор Трофимов Юрий Анатольевич нар уулзалтын үеэр санал солилцжээ.

Австралийн “Макларен” багийн залуу уралдаанч Оскар Пиастри Саудын Арабын Гран-Прид түрүүлж, Формула-1 ангиллын энэ оны нисгэгчдийн чансааг 99 оноогоор тэргүүлж эхэллээ. Ийнхүү тэрбээр Марк Уэбберээс хойш сүүлийн 15 жилд чансааг тэргүүлсэн анхны австрали уралдаанч боллоо.

Монгол Улсын Ерөнхийлөгч У.Хүрэлсүхэд Бүгд Найрамдах Турк Улсаас Монгол Улсад суух Онц бөгөөд Бүрэн эрхт Элчин сайд, хатагтай Башак Гэнч Юксэл Итгэмжлэх жуух бичгээ өргөн барилаа.

Улсын Их Хурлын дарга Д.Амарбаясгалан, түүний дэргэдэх зөвлөлийн бүрэлдэхүүн өнөөдөр Санхүүгийн зохицуулах хороонд ажиллаж, тус байгууллагын бодлого, хэрэгжүүлж буй арга хэмжээтэй газар дээр нь танилцлаа. Энэ нь УИХ-ын намрын чуулганаар тус хорооны удирдлагыг томилсны дараах анхны томоохон уулзалт бөгөөд иргэдийн хэрэглээний зээлийн хүүг бууруулах чиглэлд гаргасан шийдвэрүүдийн хэрэгжилт, үр нөлөөг хянан шалгах ач холбогдолтой алхам боллоо.

Манай улсад 573 банк бус санхүүгийн байгууллага үйл ажиллагаа явуулж байгаа бөгөөд 2 сая 300 мянган зээлдэгчтэй. Тэдгээр зээлдэгчдийн 75 хувийг цахим зээлдэгч гэсэн судалгаа гарчээ. Өнгөрсөн хугацаанд 77 ББСБ арилжааны банкуудаас 622 тэрбум төгрөгийн төгрөгийн зээл авсан байгаа нь ББСБ-ын хэрэглээний зээлийн хүү өндөр байгаа гол шалтгааны нэг гэв.

2025 оны дөрөвдүгээр сарын 17-ны өдөр Улсын Их Хурлын үдээс хойших нэгдсэн чуулганаар Монгол Улсын Их Хурлын сонгуулийн тухай хуульд болон Шүүхийн тухай хуульд оруулах нэмэлт, өөрчлөлтийн төслүүдийн анхны хэлэлцүүлгийг хийж, холбогдох дүгнэлтүүдийг сонсов.

Улсын хүүхэд, залуучуудын театрын уран бүтээлчид энэ хавар Английн алдарт зохиолч Уильям Шекспирийн “Ромео Жульетта” сонгодог драмын жүжгийг дахин тайзнаа амилуулах гэж байна. Энэхүү жүжгийг тавдугаар сарын 9-нөөс эхлэн УХЗТ-ын тайзнаа тоглох бөгөөд уран бүтээлийн багт шилдэг уран бүтээлчид багтжээ.

Япон улс харилцаа холбооны дэд бүтцээ хиймэл дагуулын системээр шинэчилж, нарийн төвөгтэй газар зүйн нөхцлийг хямд өртгөөр даван туулж чадсан байна. Монгол Улс ч мөн энэ жишгээр үндэсний хиймэл дагуулын хөгжүүлэлтийг эхлүүлж, сансрын технологийн тусламжтайгаар малчин айл, алслагдсан бүс нутгийн иргэдийг төрийн үйлчилгээ, боловсрол, эрүүл мэнд зэрэг салбарт шууд холбох зорилт тавиад байна.

Монгол Улсын Ерөнхийлөгч У.Хүрэлсүх “Цагаан алт” үндэсний хөтөлбөрийн хэрэгжилтийн хүрээнд гутал үйлдвэрлэгч үндэсний компаниудад ажиллалаа. Тэрбээр Баянзүрх дүүргийн 31-р хороонд байрлах “Миний гутал” ХХК-д зочилж, тус компанийн үйл ажиллагаатай танилцсан байна.

Монголын төр, шашин, соёл урлагийн нэрт зүтгэлтэн Өндөр гэгээн Занабазарын мэндэлсний 390 жилийн ойг 2025 онд тэмдэглэхтэй холбогдуулан шаардагдах хөрөнгийг Засгийн газрын нөөц сангаас гаргахаар шийдвэрлэлээ. Тогтоолын төсөлд дурдсан эдгээр арга хэмжээг үр дүнтэй хэрэгжүүлснээр Хангайн бүсийн нийгэм, эдийн засгийн хөгжлийг дэмжих чиглэлээр төрийн болон орон нутгийн байгууллагын үйл ажиллагааны уялдаа хангагдаж, аймаг, орон нутгийн эдийн засгийн үр өгөөж нэмэгдэх, монгол орныг гадаад улсад сурталчлах, жуулчдыг татах хөшүүрэг бүхий аялал жуулчлалын дэд бүтэц бий болно гэж үзлээ.

УИХ-ын дарга Д.Амарбаясгалан сүүлийн жилүүдэд эрчимтэй өргөжиж байгаа хоёр орны хамтын ажиллагааны эрчийг бэхжүүлэн хадгалж, харилцан итгэлцэл, нийтлэг үнэт зүйлсэд суурилсан Монгол, Францын харилцааны түвшнийг стратегийн түншлэлд хүргэхийг эрмэлзэж байгаагаа илэрхийллээ.

“Онтрэ” ХХК (Entrée Resources LTD)-ийн ашиглалтын лиценз болон Ашигт малтмалын тухай хуулийн 42 дугаар зүйлийн хэрэгжилтийн талаарх Аж үйлдвэр, эрдэс баялгийн сайдын, “Эрдэнэт машин” цогцолбор үйлдвэр байгуулах төслийн талаарх Зам, тээврийн яамны мэдээллийг тус тус сонсож, Байнгын хорооны тогтоолуудыг баталлаа.

Хүүхэд, залуучуудад сүмо бөхийн дэг жаяг, барилдааныг сурган дадлагажуулж, олон аварга тамирчдыг төрүүлж, соёл, спортын салбарт оруулж буй хувь нэмэр, хичээл зүтгэлийг нь үнэлэн Япон Улсын иргэн, мэргэжлийн сүмо бөхийн “Исэгахама” дэвжээний багш Асахифүжи Сүгиномори Сэйяаг Алтан гадас одонгоор шагналаа.

Улсын Их Хурлын чуулганы өнөөдрийн /2025.04.17/ нэгдсэн хуралдааны тов, хэлэлцэх асуудлуудыг танилцуулж байна.

Улсын Их Хурал дахь ажлын хэсгүүдийн өнөөдрийн /2025.04.17/ хуралдааны товыг хүргэж байна.

Төсвийн байнгын хорооны өнөөдрийн хуралдаанаар дөрвөн асуудал хэлэлцэн шийдвэрлэв.

Аж үйлдвэр, эрдэс баялгийн сайдын зөвлөх Л.Чой-Иш БНХАУ-ын Хятадын үндэсний газрын тосны корпораци (CNPC)-ийн Эдийн засаг, технологийн судалгааны хүрээлэнгийн ТУЗ-ийн гишүүн, Нарийн бичгийн дарга Цян Син Кун тэргүүтэй төлөөлөгчдийг хүлээн авч уулзлаа.

Монгол Улс Финландын Туркугийн их сургуулийн эрдэмтдийн боловсруулсан “Эдүтэн” цахим сургалтын системийг бага боловсролын түвшинд үе шаттайгаар туршиж, нэвтрүүлж эхлээд байна. Уг системийг 2023–2024 оны хичээлийн жилд 3–4 дүгээр анги, харин 2024–2025 оны хичээлийн жилд 1–5 дугаар ангид хэрэгжүүлж буй.