Сургалтыг төвлөрлийг сааруулах бодлогыг хэрэгжүүлэх, орон нутгийн эрүүл мэндийн байгууллагуудын сургалт зохион байгуулах чадавхыг нэмэгдүүлэх, сургагч багш нарыг бэлтгэх зорилгоор эмнэлзүйн сургагч багш бэлтгэх стандарт хөтөлбөрөөр зохион байгуулдаг бөгөөд энэ удаад  Төв аймгийн нэгдсэн эмнэлэг, сум, өрхийн нийт 24 эмч сургагч багш боллоо.

Цаашид орон нутгийн эрүүл мэндийн байгууллагуудыг сургалт эрхлэх байгууллага болгон өргөжүүлэх, мэргэжилтнүүдийг тогтвортой ажиллуулах, эрүүл мэндийн байгууллагуудын сургалтын чадавхыг нэмэгдүүлэх чиглэлээр үйл ажиллагааг үргэлжлүүлэн хэрэгжүүлэхээр төлөвлөж сургалтыг орон нутагт үе шаттайгаар зохион байгуулах юм.