Улс орнуудын ДНБ ба тэдгээрийн бодит ДНБ-ий жилийн дундаж өсөлтийн талаарх мэдээлэлд дурдсанаар, Казахстан улс Төв Азийн орнуудын дотроос хамгийн түрүүнд дэлхийн хамгийн том 50 эдийн засгийн тоонд багтлаа.
Түүнээс гадна бодит ДНБ-ий жилийн дундаж өсөлтийн хурдаар тус улс тэргүүлэгч 5 орны нэг болсон байна. Үүнийг даваа гарагт Visual Capitalist цахим хуудсанд нийтлэгдсэн Олон улсын валютын сангийн мэдээлэлд дурджээ.
30,6 их наядын багтаамжтай эдийн засаг бүхий АНУ дэлхийд тэргүүлж байгаа бөгөөд олон жилийн турш тэргүүллээ хадгалах төлөвтэй байна. Тус улсын дараа дэлхийн хамгийн том 5 эдийн засгийн тоонд БНХАУ, Герман, Япон, Энэтхэг улсууд орж байна.
Хэдийгээр багтаамжийн хувьд АНУ хол давамгайлж байгаа боловч Казахстан зэрэг олон орон өсөлтийн хурдаар тус улсаас илүү байгаа юм. Сүүлийн 25 жилийн хугацаан дахь АНУ-ын бодит ДНБ-ий өсөлт дунджаар 2,1 хувь байсан бол Хятад улсад энэ үзүүлэлт 8 хувьтай байна. Мөн хугацаанд Хятад, Энэтхэг, Вьетнам, Бангладешийн зэрэгцээ 300 тэрбум долларын эдийн засаг бүхий Казахстан улс 5,6 хувь гэсэн үзүүлэлтээр эхний тавд багтжээ.
Хамгийн сүүлийн үеийн мэдээллээр, 2028 онд Казахстаны номинал ДНБ 230 их наяд тенгед хүрнэ.
Эх сурвалж: Kazinform
