Монголын сагсан бөмбөгийн холбооноос зохион байгуулдаг Үндэсний дээд лигийн “Сэлэнгэ Бодонс” багт NBA-ын алдарт тоглогч ДиМаркус Казинс тоглохоор болсон билээ.
Тэрбээр 2016 оны Рио-де-Жанейрогийн олимпын аварга, 2014 оны дэлхийн аварга, NBA-ын Бүх оддын тоглолтод дөрвөн удаа сонгогдсон, 2019-2020 оны улирлын NBA-ын аварга тоглогч бөгөөд Монголын лигт тоглохоор ирж буй анхны NBA-ын тамирчин болж байна.
Түүнийг угтах ёслолын шоу
Монголын сагсан бөмбөгийн холбоо, “Сэлэнгэ Бодонс” багтай хамтран Казинсыг угтан авах энтертайнмент шоу зохион байгуулахаар болжээ.
- Тэрбээр ирэх сарын 7-нд Монголд хүрэлцэн ирнэ.
- Шоунд оролцогчид NBA-ын супер одыг дэргэдээс нь харах, дурсгалын зураг авахуулах, гарын үсэгтэй өмсгөл, футболка хожих боломжтой.
- Хөгжөөнт уралдаан, шидэлтийн тэмцээн, азтан шалгаруулах арга хэмжээ болно.
- “Тоонот рекордс”-ын уран бүтээлчид болон Реппе Жий үзүүлбэр толилуулна.
ДиМаркус Казинсын Монголд ирэх нь дотоодын сагсан бөмбөгийн спортод шинэ хуудас нээж, Үндэсний дээд лигийн өрсөлдөөнийг улам сонирхолтой болгох хүлээлт үүсгэж байна.
Эх сурвалж: Монголын сагсан бөмбөгийн холбоо
Сэтгэгдэл (5)