Говь-Алтай аймагт бүртгэгдсэн тарваган тахлын сэжигтэй тохиолдол лабораторийн PCR шинжилгээний дүнгээр эерэг гарч, онош батлагдлаа.
Голомтод халдварын эх уурхайг тогтоохоор ажиллаж байна.
Нэгдүгээр хавьтлуудаас тарваган тахлын эмнэл зүйн шинж тэмдэг илрээгүй, эмчийн бүрэн хяналтад орсон. Эцсийн халдваргүйжүүлэлтийг нийт 680 м.кв талбайд хийсэн байна.
Эрсдэлт бүлгийн иргэдэд мэдээлэл сурталчилгааны ажлыг эрчимжүүлж, аймгийн Онцгой комиссоос гаргасан шийдвэрээр хөл хорионы дэглэм үргэлжилж байна хэмээн Зоонозын Өвчин Судлалын Үндэсний Төвөөс мэдээллээ.
Мөн тарваган тахал нь шууд хавьтал, дам халдвар, агаар дусал, хоол хүнсээр дамжин халдварладаг учир өвчин туссан хүн бусдад тараах магадлал их байдгийг анхааруулж байна.
Говь-Алтай аймгийн Бугат суманд тарваган тахлын сэжигтэй тохиолдол илэрч, зургаадугаар сарын 27-ноос аймгийн төвөөс гарах хөдөлгөөн, Бугат сумд өндөржүүлсэн бэлэн байдал зарлаж, орох, гарах хөдөлгөөнийг тус тус зургаан хоногоор зогсоогоод байгаа аж.
