Өмнө нь нэг мэргэжлийг сайн эзэмшсэн байхад амьдралаа залгуулаад явж болдог байсан бол энэ байдал хэдий нь өөрчлөгджээ. Ур чадвараас гадна харилцаа хандлагыг чухалд тооцох болж, ажил олгогчид “хамгийн сүүлд хэзээ, ямар ур чадвараа дээшлүүлсэн бэ” гэж анкет бөглөж байгаа хүн бүрээс асуух болсон байна.

Насан туршийн боловсролын бүтэц манай улсад байдаг боловч бичиг үсэг тайлагдаагүй иргэдэд туслах, дүйцүүлэх сургалт зэрэгт илүү анхаарч ирсэн байдаг. Тиймээс боловсролын салбарт хуулийн реформ хийх гэж байгаа энэ үед насан туршдаа суралцах тогтолцоог оновчтой бүрдүүлэхээр ажиллаж байна.

Насан туршийн боловсролд хэн хамрагдах шаардлагатай байна вэ?

• 15 түүнээс дээш насны иргэд;

• Ахмад ба өндөр настанд зориулсан;

• Гэрийн ажилтай хүмүүс, хүүхдээ хардаг эмэгтэйчүүд;

• Хөдөөгийн хүн ам, малчин залуус;

• Ажилгүй иргэд;

• Мэргэшлээ солих шинээр эзэмшихийг хүсэгчид;

• Хөгжлийн бэрхшээлтэй иргэдэд чиглэсэн;

• Гадаадад төрсөн иргэд, амьдраад удсан хүмүүс;

• Бүх нийтийн эрүүл мэндийн боловсрол;

Насан туршийн суралцахуйн тогтолцоог бүрдүүлсэн улс орнуудад тухайлсан хууль, бодлого, стратеги хэрэгжүүлдэг байна. Албан бус боловсрол төдийгүй informal замаар эзэмшсэн мэдлэг, чадварыг хүлээн зөвшөөрөх тогтолцоо бүрдсэн, сургуульд тэр бүр судлах боломжгүй зүйлсийг сурах арга зам болдог байна. Мөн албан ба албан бус боловсролын уялдаа холбоо хамгийн чухал байна.

Эх сурвалж: БШУЯ