"Гадаадын жуулчдыг аялуулж буй ААН-үүдэд шатахууныг чөлөөтэй олгох зохицуулалтыг холбогдох яамд хамтран гүйцэтгэж байна" хэмээн Аж үйлдвэр, эрдэс баялгийн сайд Г.Дамдинням Ерөнхий сайдын өгсөн үүргийн хүрээнд байгуулагдсан "Шуурхай штаб"-ын хуралдааны үеэр мэдэгдлээ.
Шатахууны хангамж, нийлүүлэлтийг тогтворжуулах шуурхай штабын өнөөдрийн хурлаар дараах асуудлуудаар мэдээлэл сонсож, үүрэг чиглэл өгчээ.
- 8 дугаар сарын 07-ны өдрийн байдлаар Улаанбаатар хотын 95 чиглэлд 190 цагдаагийн албан хаагч, 43 олон нийтийн цагдаа 56 байршилд ажиллаж байна.
- Монополын эсрэг газар болон Тагнуулын ерөнхий газрууд холбогдох мэдээллийн дагуу шалгалтын ажиллагааг эрчимжүүлж байна.
- Шатахуун түгээх станц /ШТС/-ууд бүх хошуугаар авто бензин олгох үүргийн хэрэгжилтэд хяналт тавин ажиллаж байна. Өнөөдрийн байдлаар Улаанбаатар хотод 59 ШТС 2 хошуугаар, 12 ШТС 4 хошуугаар, 4 ШТС 6 хошуугаар, 1 ШТС 8 хошуугаар олгож байгаа бол 15 ШТС 1 хошуугаар олгож байна.
- Орон нутгийн удирдлагууд болон ШТС-уудад аялал жуулчлалын компаниудын авто машиныг хязгаарлалтгүй шатахуун олгох боломжоор хангах үүрэг өглөө.
- Шатахуун импортлогч ААН-үүдийг дотоод хяналтаа сайжруулж аливаа дамын наймааг таслан зогсооход онцгой анхаарах үүрэг чиглэлийг өглөө.
Өнөөдрийн байдлаар нийслэлийн хэмжээнд 107 ШТС-аар АИ92 автобензинийг түгээж байна. Үүнээс,
- 15 ШТС – 1 хошуу
- 59 ШТС – 2 хошуу
- 4 ШТС – 3 хошуу
- 12 ШТС – 4 хошуу
- 4 ШТС - 6 хошуу
-
1 ШТС – 8 хошуугаар шатахуун олгож байна. Тиймээс Аж үйлдвэр, эрдэс баялгийн яамнаас шатахуун түгээх станцуудад цаашид хошууныхаа тоог нэмэгдүүлэх үүрэг, чиглэл өгөв.
Сэтгэгдэл (2)