“Хязгааргүйг тэврэх нь: Жузеппе Туччигийн мөнхийн эрэл хайгуул” үзэсгэлэн “Чингис хаан” үндэсний музейн түр үзэсгэлэнгийн танхимд  дэлгэлээ.

Бээжин дэх Италийн Соёлын хүрээлэнгийн санаачлагаар Мачератагийн Их сургууль, Газар дундын тэнгис ба Дорно дахины судлалын Олон улсын холбоо хамтран зохион байгуулж байна. Үзэсгэлэнгийн нээлтийн үеэр Жузеппе Туччигийн Монголтой холбогдох судалгаа, түүний бүтээлийн Итали-Монголын соёл, шинжлэх ухааны хамтын ажиллагааг бэхжүүлэхэд оруулсан хувь нэмэр сэдэвт эрдэм шинжилгээний хурал зохион байгуулав.

Уг үзэсгэлэнг Итали Улсаас Монгол Улсад суугаа ЭСЯ, “Чингис хаан” үндэсний музей, Arte Nomade, Archivio Storico Luce-Cinecittà, Ром хотын Иргэншлийн музей хамтран зохион байгуулж, Италийн дорно дахин судлалын тэргүүлэх төлөөлөгч, Ази судлалын нэрт эрдэмтэн Жузеппе Туччи /1894-1984/-ийн амьдрал, эрдэм шинжилгээний бүтээлүүдийг танилцуулах зорилготой юм.

Үзэсгэлэнгийн нээлтэд Итали Улсаас Монгол Улсад суугаа Онц бөгөөд бүрэн Эрхт Элчин сайд Жованна Пиккаррета, “Чингис хаан” үндэсний музейн дэд захирал Д.Эрдмаа, Бээжин дэх Италийн Соёлын хүрээлэнгийн Ерөнхий захирал Федерико Роберто Антонелли, Ерөнхий куратор-Оскар Налесини, Италийн Мачератагийн их сургуулийн захирал Жон Маккоурт болон бусад албаны төлөөлөл оролцлоо.

Тус үзэсгэлэн 8 дугаар сарын 5-ныг хүртэл үргэлжилнэ.