Дорнод аймгийн хэмжээнд татвар төлөлөгч 3474 ААН, 58 мянга орчим иргэн бий. Ноднин жил улсын төсөвт 18 тэрбум, аймгийн төсөвт 24 тэрбум, сумын төсөвт 53 тэрбум төгрөгийн татварын орлогыг төвлөрүүлсэн гэж Татварын хэлтсээс мэдээлэв.

Манай улс 27 дахь жилдээ тавдугаар сарын эхний долоо хоногт “Татвар төлөгчдийн өдрүүд”-ийг зохион байгуулдаг. Энэ уламжлалын дагуу Дорнод аймаг “Шилдэг татвар төлөгч байгууллага”-уудыг тодруулан хүндэтгэл үзүүлсэн юм. 2025 оны “Шилдэг татвар төлөгч байгууллага”-аар “Найнги хүнс” ХХК, “Бүж нар” ХХК, “Нутгийн хишиг арвижих” ХХК зэрэг арван байгууллага шалгарсан байна.