Аймгийн хэмжээнд хаврын тариалалтыг өнгөрсөн долоо хоногт эхлүүлсэн. Нийт 35 мянган га эргэлтийн талбайтайгаас энэ онд 25 мянга гаруй га талбайд тариалалт хийхээр төлөвлөжээ.

Өнөөдрийн байдлаар 19,317 га талбайд үр тариа тариалахаас 67.6 га-д буюу нийт төлөвлөсөн талбайн 3.03 хувьд тариалалт хийгээд байна.

Төрөөс газар тариалан эрхлэгчдийг дэмжих бодлогын хүрээнд эргэлтийн хөрөнгийн зориулалтаар 185 тэрбум төгрөгийн хөнгөлөлттэй зээлийг үр тариа, төмс, хүнсний ногоо, жимс, жимсгэнэ болон хүлэмжийн аж ахуй эрхлэгчдэд олгож эхэлсэн нь ихээхэн дэмжлэг болж байна гэж тариаланчид ярьж байна.

Энэ онд тариалах 25 мянган га талбайн 70 хувьд үр тариа болон тэжээлийн ургамал, үлдсэн хэсэгт төмс, хүнсний ногоо тариалахаар төлөвлөжээ.