x

2019-2020 оны хичээлийн жилд зарлагдах Засгийн газрын тэтгэлэг

Гадаадын их дээд сургуулиудад суралцах хүсэлтэй оюутан, залууст мэдээлэл өгөх зорилгоор 2019-2020 оны хичээлийн жилд зарлагдах Засгийн газрын тэтгэлгүүдийн мэдээллийг нэгтгэн хүргэж байна. 

Олон улсын нэр хүндтэй сургуулиудад тэтгэлгээр суралцах боломж хүн бүрт бий. Тиймээс та гадаадад суралцахаар төлөвлөж байгаа бол яг одооноос эхлэн нарийн төлөвлөгөө гарган бэлдэж эхлээрэй.  

УНГАР УЛСЫН ЗАСГИЙН ГАЗРЫН ТЭТГЭЛЭГ

Унгарын Засгийн газрын тэтгэлгээр 2019/2020 оны хичээлийн жилд Монгол оюутнууд суралцуулах сонгон шалгаруулалт эхэлжээ.

Сонгон шалгаруулалт 2 үе шаттай зохион байгуулагдах бөгөөд I шатны шалгаруулалтыг Боловсрол, соёл, шинжлэх ухаан, спортын яам, II шатны шалгаруулалтыг Унгарын хүлээн авч суралцуулах сургууль тус тус зохион байгуулна.

Шалгаруулалтад тэнцсэн иргэдийн суралцах эцсийн шийдвэрийг Унгарын Тэтгэлгийн хороо хүлээн авч, суралцуулах сургууль гаргана.

Өргөдөл хүлээн авах хугацаа: 2018 оны арванхоёрдугаар сарын 1-нээс 2019 оны нэгдүгээр сарын 15-ны өдрийг хүртэл цахим хуудсаар бүрэн, гүйцэд бөглөсөн анкет, холбогдох баримт бичгийг хүлээн авна.

Үндсэн шаардлага:

  • Бакалаврт суралцах бол 17-25 нас хүртэлх Монгол улсын иргэн байх;
  • Магистрантурт суралцах бол бакалаврын зэрэгтэй, 35 хүртэлх насны Монгол улсын иргэн байх;
  • Өргөдөл гаргагч зөвхөн Боловсролын яамны дурдсан мэргэжлийн чиглэлээр суралцах боломжтой.

Холбоос: ЭНД дарж материалаа илгээнэ үү.

АВСТРАЛИ УЛСЫН ЗАСГИЙН ГАЗРЫН ТЭТГЭЛЭГ /AUSTRALIA AWARDS/

Австралийн сургалтын тэтгэлэг нь хөгжлийн төлөө даян дэлхийн манлайлагчдын хойч үеийнхэнд тус улсын засгийн газраас олгодог олон улсын нэр хүндтэй тэтгэлэг юм. Өргөдлийг шаардлагатай баримт бичгийн хамт цахим хэлбэрээр явуулна.

Хугацаа: 2019 оны хоёрдугаар сарын 1-нд эхэлж, дөрөвдүгээр сарын 30-нд дуусна.   

Үндсэн шалгуур:

  • Бакалаврын дипломын голч оноо 3 ба түүнээс дээш байх;
  • Academic IELTS-ийн голч оноо 5.5-аас доошгүй (эсвэл TOEFL-ийн дүйцэх), нэгж оноо 5-аас доошгүй дүнтэй байна.
  • 2019 оны хоёрдугаар сарын 1-ний байдлаар, хоёроос дээш жил тасралтгүй хөдөлмөр эрхэлсэн гэдгээ нотолно.

Холбоос: Австралийн тэтгэлэгт хөтөлбөрийн талаар дэлгэрэнгүй мэдээлэлтэй ЭНД дарж танилцаарай.

АНУ-ЫН ФУЛБРАЙТЫН ТЭТГЭЛЭГ /FULBRIGHT/

Фулбрайтын Оюутны хөтөлбөр нь магистрын зэрэг олгох бүрэн тэтгэлэгт хөтөлбөр бөгөөд одоогоор дэлхийн 160 гаруй оронд хэрэгжиж байна.

Тус хөтөлбөр нь нийгмийн ухаан, хүмүүнлэг, инженер, эдийн засаг, бизнесийн судалгаа, төрийн болон төрийн албаны судалгаа зэрэг бүх чиглэлээр зарлагддаг ч эрүүл мэндийн салбарт зөвхөн нийгмийн эрүүл мэндийн судалгааны чиглэлээр АНУ-д суралцах боломжтой.

Уг хөтөлбөр манай улсад 1994 оноос хойш хэрэгжиж эхэлсэн. Жилд 13-15 оюутан хамруулж, магистрын зэргийн бүрэн тэтгэлэг олгодог байна.

Хугацаа: Энэ оны нэгдүгээр сард хөтөлбөрийг Монгол дахь АНУ-ын элчин сайдын яамнаас зарлана.

Үндсэн шаардлага:

  • 1.5 болон түүнээс дээш жилийн бүтэн цагаар ажилласан ажлын туршлагатай байх;
  • Дээд боловсролтой байх (бакалаврын эсвэл дүйх зэрэг);
  • Мэргэжлийн чиглэлээсээ хамааран TOEFL IBT 80-90, TOEFL PBT/ITP 550-575, эсвэл IELTS 6.5-7.0 оноотой байх;

Холбоос: Дэлгэрэнгүй мэдээллийг ЭНД дарж үзээрэй.  (https://mn.usembassy.gov/mn/)

ШИНЭ ЗЕЛАНД УЛСЫН ЗАСГИЙН ГАЗРЫН ТЭТГЭЛЭГ

Тус улсын Засгийн газрын Монгол оюутнуудад зориулсан тэтгэлэгт хөтөлбөрийг удахгүй зарлах гэж байна. Энэ нь жилд 11,000 өргөдлийг хүлээн авч 560 оюутныг сонгон шалгаруулдаг маш өрсөлдөөнтэй тэтгэлэг юм.

Хугацаа: 2019 оны хоёрдугаар сарын 15-нд нээгдэж, гуравдугаар сарын 28-нд хаагдана.

Холбоос: Тэтгэлэгт тавигдах шаардлага болон бусад дэлгэрэнгүй мэдээллийг ЭНД дарж аваарай.

ИХ БРИТАНИЙН ЗАСГИЙН ГАЗРЫН ЧЕВИНИНГИЙН ТЭТГЭЛЭГ /CHEVENING/

Чевенинг нь Их Британийн Засгийн газраас академик мэдлэг өндөртэй, олон улсын манлайлагч залуучуудад олгодог тэтгэлэг юм.

Тус улсын магистрын хөтөлбөр нь нэг жилийн хугацаатай байдаг. Монгол улсаас жилд дунджаар 10-20 оюутан элсүүлдэг.

Хугацаа: Жил бүрийн наймдугаар сард нээгдэж, арваннэгдүгээр сард хаагддаг.

Үндсэн шаардлага:

  • Өргөдөл гаргагч нь 25-35 нас хүртэлх Монгол улсын иргэн байх;
  • Дээд боловсролтой байх (бакалаврын эсвэл дүйх зэрэг);
  • Бакалаврын голч оноо 3.0 ба түүнээс дээш байх /2.8, 2.9 оноог хүлээн зөвшөөрөхгүй/
  • IELTS 6.5, TOEFL IBT 79 оноотой байх;
  • 2 ба түүнээс дээш жилийн ажлын туршлагатай байх;
  • Хөтөлбөрөө дуусаад 2 жилийн дотор эх орондоо эргэн ирэх;

Холбоос: Чевенинг тэтгэлгийн албан ёсны цахим сайт 

ГЕРМАНЫ ЗАСГИЙН ГАЗРЫН ТЭТГЭЛЭГ /DAAD/

Герман улсын засгийн газраас жил бүр 100 мянга гаруй оюутнуудад тэтгэлэг олгон дэлхийд тэргүүлэх боловсролын зэргээр хангаж байна.

Хугацаа: Жил бүрийн наймдугаар сард зарлагдаж, аравдугаар сард хаагддаг.

Үндсэн шаардлага: Та бакалаврын зэргээ сүүлийн 6 жилийн дотор хамгаалсан байх шаардлагатай. 18 наснаас эхлэн өргөдөл гаргах боломжтой.

Холбоос: DAAD тэтгэлгийн албан ёсны цахим сайт 

/Бүрдүүлэх материалын дэлгэрэнгүйг ЭНЭ холбоосоор орж хараарай./

БНСУ-ЫН ЗАСГИЙН ГАЗРЫН ТЭТГЭЛЭГ

БНСУ-ын Засгийн газрын тэтгэлэгт хөтөлбөр нь дэлхийн ирээдүйн манлайлагч нарыг дэмжих, олон улсын боловсролын хамтын ажиллагааг хөгжүүлэхийг зорьж байна.

Хугацаа: Жил бүрийн есдүгээр сард зарлагддаг.

Үндсэн шаардлага:

  • Өргөдөл гаргагч нь элсэн орох хичээлийн жилийн есдүгээр сарын 1-ний өдөр гэхэд бакалавр эсвэл магистрын зэрэг авсан байх ёстой.  
  • Бакалаврын хөтөлбөрт суралцах бол ахлах сургуулийн голч дүн нь 80 хувь хүрсэн байх;

Холбоос: Дэлгэрэнгүй мэдээлэлттэй ЭНД дарж танилцаарай.

БҮГД НАЙРАМДАХ ФРАНЦ УЛСЫН ЗАСГИЙН ГАЗРЫН ТЭТГЭЛЭГ

Монгол, Франц улс хоорондын найрамдалт харилцаа, боловсрол, шинжлэх ухааны салбарын хамтын ажиллагаанд хувь нэмрээ оруулах, өрсөлдөх чадвартай Монгол иргэнийг бэлтгэх зорилгоор тус тэтгэлэгт хөтөлбөрийг хэрэгжүүлж байна. Нийт элсүүлэх оюутны тоо дунджаар 10 байдаг.

Хугацаа: Гуравдугаар сард нээгдэж дөрөвдүгээр сард хаагддаг.

Үндсэн шаардлага:

  • Өргөдөл гаргагч нь 25-35 нас хүртэлх Монгол улсын иргэн байх;
  • Мэргэжлээрээ 3-5 жил ажилласан байх;
  • Франц хэл: DELF (Франц хэлний сургалтын диплом) 2 дахь шатны буюу CECRL –н B2 түвшин ; DALF (Франц хэлний гүнзгийрүүлсэн шатны диплом) ; TCF –н диплом B2 түвшингээс дээш болон нэмэлт шалгалтын диплом;
  • IELTS 6.5 аас дээш оноотой байх;

Холбоос: Нэмэлт мэдээллийг Монгол дахь Франц Улсын ЭСЯ-наас авна уу.

БНХАУ-ЫН ЗАСГИЙН ГАЗРЫН ТЭТГЭЛЭГ

Монгол Хятадын тусгай хөтөлбөр хэрэгжүүлэх төслийн дагуу бакалавр, магистр, докторын сургалтад суралцуулна. Нийт элсүүлэх оюутны тоо дунджаар 200-300 байдаг.

Хугацаа: Жил бүрийн гуравдугаар сард нээгдэж, зургаадугаар сард хаагддаг.

Үндсэн шаардлага:

  • Бакалаврт суралцах бол 17-25 хүртэлх насны Монгол улсын иргэн байх; Ахлах сургуулийн голч дүн 80-аас дээш байх;
  • Магистрт суралцах бол бакалаврын зэрэгтэй, 35 хүртэлх насны Монгол улсын иргэн байх;
  • Докторт суралцах бол магистрын зэрэгтэй, 40 хүртэлх насны Монгол улсын иргэн байх;
  • Мэргэжлээрээ 2-3 жил ажилласан байх;

Холбоос: http://www.campuschina.org/

ОХУ-ЫН ЗАСГИЙН ГАЗРЫН ТЭТГЭЛЭГ

ОХУ-ын Засгийн газрын тэтгэлэгт хөтөлбөр нь оюутан залуусыг Орос улсын дэлхийн шилдэг дээд боловсролын байгууллагад суралцах боломжийг олгоход чиглэсэн хөтөлбөр болно. Нийт элсүүлэх оюутны тоо 300-500 байдаг.

Хугацаа: Жил бүрийн нэгдүгээр сард нээгдэж, хоёрдугаар сард хаагддаг.

Үндсэн шаардлага:

  • Бакалаврт суралцах бол 21 нас хүртэлх Монгол улсын иргэн байх; Ахлах сургуулийн голч дүн 80-аас дээш байх;
  • Магистр, докторт суралцах бол бакалаврын зэрэгтэй, 35 хүртэлх насны Монгол улсын иргэн байх;
  • Орос хэлний бэлтгэл бүрэн хангасан байх, эсвэл Монгол Улсын орос хэлний гүнзгийрүүлсэн сургалттай болон ОХУ-ын их дээд сургуулийг 3.0 оос дээш хувийн амжилттай суралцаж төгссөн байх;

Холбоос: Дэлгэрэнгүй мэдээллийг ЭНД дарж авна уу.  

БНТУ-ЫН ЗАСГИЙН ГАЗРЫН ТЭТГЭЛЭГ

БНТУ-ын Засгийн газрын тэтгэлгээр манай улсаас олон зуун оюутан тус улсад суралцаж байна. 2016 онд дэлхийн 172 орны 122 мянган гадаад оюутан Турк Улсад суралцаж байв. Тэдний 16 мянга нь тэтгэлэг авчээ. Гадаад оюутнууд Туркийн 55 хотын 105 сургуульд суралцдаг. 

Үндсэн шалгуур:

  • Бакалаврын зэрэг хамгаалах бол 01.01.1997,
  • Магистрын зэрэг хамгаалах бол 01.01.1988,
  • Докторын зэрэг хамгаалах бол 01.01.1983,
  • Судалгааны тэтгэлэг авах бол 01.01.1973 болон үүнээс хойш төрсөн байна.
  • Боловсрол эзэмшихэд нь саад учруулах эрүүл мэндийн асуудалгүй байна.

Тэтгэлэг авахыг хүссэн оюутнуудыг сонгон шалгаруулах явц хоёр үе шаттай.

Нэгдүгээрт, тэтгэлэг хүсэгчийн сурлагын амжилтыг харгалзана. Үүнд тухайн суралцагчийн их сургуулийн дүнгийн дундаж, их сургуульд элсэн орсон шалгалтын дүн, олон улсын бусад шалгалтын дүн (байвал). Бакалаврын оюутны авах нийт оноонд эдгээр үзүүлэлт 70 хувь, магистрынх бол 75 хувь, анагаахын оюутан бол 90 хувийг эзэлдэг.    

Хоёрдугаарт, эхний шатанд тэнцсэн оюутнуудыг ярилцлагад оруулна. Ярилцлагын товыг тухайн оюутанд цахим шуудангаар илгээнэ. Эдгээр хөтөлбөрт хамрагдах бол зөвхөн ИНТЕРНЭТЭЭР буюу дээрх зураг дээрх хаягаар хандана.

Тэтгэлэгт хамрагдсан оюутнуудад тус улсын Засгийн газраас дараах нөхцөлөөр хангадаг:

Тэтгэлгийн хэмжээ: (Монголбанкны албан ханшаар 1 турк лира 491 төгрөгтэй тэнцэж байна.)

  • Бакалаврын оюутан 700TL 
  • Магистрын оюутан 950 TL
  • Докторын зэрэг хамгаалагч 1.400 TL
  • Судалгааны оюутан 3000 TL

I. Дотуур байранд үнэгүй байрлана.

II. Их сургуулийн төлбөрөөс чөлөөлөгдөнө.

III. Эрүүл мэндийн даатгалд хамрагдана.

IV. Tурк хэлний бэлтгэл (1 жил)

V. Онгоцны тийз (хоёр талын тийзийг нэг удаа үнэгүй олгоно.)

ТА ЯМАР Ч ТЭТГЭЛЭГ ХӨТӨЛБӨР БОЛОН ГАДААДЫН ИХ ДЭЭД СУРГУУЛЬД ӨРГӨДӨЛ ГАРГАХАД ДАРААХ МАТЕРИАЛУУД ШААРДЛАГАТАЙ 

Бүрдүүлэх материал:

  • IELTS эсвэл TOEFL-ийн гэрчилгээний хуулбар. Таны суралцах улс орны хөтөлбөр, сургуулиас хамаарч шаардагдах оноо харилцан адилгүй байна. 
  • Дээд боловсролын гэрчилгээ (бакалавр, магистрын түвшин; эх материалын хуулбар ба англи орчуулга)
  • Дипломын хавсралт буюу дүнгийн хавтгай (эх материалын хуулбар ба англи орчуулга)
  • Эссэ /Motivation letter/
  • Тодорхойлох захидал /Recommendation letter/
  • Ямар ч тэтгэлэгт хөтөлбөр хамрагдсан та тус хөтөлбөрийн онлайн өргөдлийн маягтыг бөглөн бусад шаардлагатай баримт бичгийн хамт илгээнэ.
  • Эрүүл мэндийн үзлэгийн хуудас.
  • Таны сонгосон тэтгэлэгт хөтөлбөр ажлын туршлага шаардаж байгаа бол нийгмийн даатгалын дэвтрийн хуулбар хэрэгтэй болно. Эсвэл ажилд томилсон тушаал болон гэрээгээр баталгаажуулах боломжтой.

Боловсрол, Соёл, Шинжлэх Ухаан, Спортын Яамны вэбсайтан дээр Засгийн газрын тэтгэлгүүдийн мэдээллийг цаг тухайд нь олон нийтэд зарладаг тул байнга шалгаж байхыг зөвлөж байна.

gogo.mn

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
"Оюун ухаан"-ы Х.Хатанбаатар Азийн покерийн аваргад хүч сорьж байна 1 цаг 46 мин "Тавантолгой түлш" компанийн Зүүн үйлдвэр бие даасан халаалтын системтэй болно 2 цаг 3 мин БНСУ “AUKUS” түншлэлд нэгдэх боломжийг хэлэлцжээ 2 цаг 27 мин БНСУ-д хууль бусаар оршин суугаа иргэдийг визтэй болгоно гэх худал мэдээлэлд автахгүй байхыг анхааруулав 2 цаг 56 мин Ш.Төмөрсүх: Эрх баригчид сангуудаас хулгай хийсэн нөхдөө сонгуульд нэр дэвшүүлэхгүй гэсэн үгэндээ хүрээсэй билээ 3 цаг 23 мин Л.Чинбатад "худал мэдээлэл тараасан" хэргээр зорчих эрх хязгаарлах ял оногдуулав 4 цаг 10 мин Б.Жавхлан: Хуримтлалын санд төвлөрөх 500 тэрбумаар 10.000 айлд ипотекийн зээл олгоно 4 цаг 21 мин Улаанбаатарт өдөртөө 25 хэм дулаан 4 цаг 40 мин Улсын хэмжээнд лавлагаа шатлалын төвүүдийн эмч, эмнэлгийн мэргэжилтнүүдийг зөөврийн компьютероор хангаж байна 18 цаг 20 мин Ихэнх нутгаар дулаарч хуурайшилт нэмэгдэж байна 19 цаг 9 мин Шар өвс шатаасан 2 иргэнд хариуцлага тооцжээ 20 цаг 11 мин “Монгол Улсын хөгжлийн 2025 оны төлөвлөгөө батлах тухай” тогтоолын төслийг өргөн мэдүүлэв 21 цаг 8 мин Хуурамч баримтаар НӨАТ-ын 1.3 тэрбум төгрөгийн буцаан олголт авсан бүлэг этгээдээр хохирлыг төлүүлэхээр болжээ 21 цаг 24 мин Н.Учрал: Монгол Улсад долоо хоногт 77,000 кибер халдлага гарч байна 21 цаг 26 мин "Т.Чимгээгийн нэхэмжилсэн 48 тэрбум төгрөгийг төрөөс төлөх шаардлагатай" гэв 21 цаг 44 мин Б.Солонгоо: Эрүүдэн шүүсэн асуудалд шүүхээс гэм буруутай нь тогтоогдсон шүүхийн шийдвэрийг нууцаас гаргах нь зүйтэй 22 цаг 7 мин Энэ зун олон жилийн дунджаас дулаан, хуурайшилт ихтэй байх магадлал өндөр байна 22 цаг 34 мин Эрдэмтэд ах дүү Гриммийн алдагдсан гэх 17 ботийг олов 23 цаг 12 мин Сөнөөгдсөн Абрамс танкийг оросууд галын шугамаас гарган авч чадав 23 цаг 45 мин Зургаадугаар сарын 1-нээс 1-2-р ангийн сурагчдын зуны амралт эхэлнэ Өчигдөр 12 цаг 21 мин
iИх уншсан
"Ачит ихт"-ийг тойрсон Ардын намын "ав" Туггүй болсон нам сонгуульд ялна гэж байх уу? Хөгжлийн диалектик Саналаа өгсөн хүнийг урамшуулах талаар юм бодоцгооё, бизнес ... Эх орноо орхисоор л байна, тэгээд яах вэ? Д.Уламбаяр: Цөмийн энергийн агентлагаа сэргээж байж бид Фран... Ираныг шаналган Израиль руу аврал эрэв З.Нарантуяа: Сонгуулийн шинэ хуулиар нэр дэвшигчид хүч тэнцв... Д.Бумдарь: Олон бие даагч гарч ирэх нь намуудын институцичла... Эдийн засагч Т.Дөлгөөн: Гурилын импортын татварыг тэглэснээр... Эрх чөлөөний үнэ цэнэ Тавдугаар сард цаг агаар ямар байх вэ? Эх нялхсын эмч нар 9 настай хүүхдэд элэг шилжүүлэн суулгалаа... ПАРИС 2024: Олимпын эрхийн сүүлийн тэмцээнд оролцох бөхийн т... Энэ зун олон жилийн дунджаас дулаан, хуурайшилт ихтэй байх м... Өмгөөлөгч Г.Батбаяр автомашиндаа нас барсан байдалтай олдсон... Л.Оюун-Эрдэнэ, Д.Сумъяабазар, Сү.Батболд нар тойргоос нэр дэ... ЭТТ компани 800 мянган тонн хатуу коксжих нүүрс биржээр арил... Зүүн 4 замаас Нарантуулын уулзвар хүртэлх хэсэгчлэн хааж зас... ЦЕГ: Хүний амь хөнөөх захиалга өгсөн этгээдийг Австралиас ал...
Top