Гангийн салбарын дэлхийн тэргүүлэгч улс, компани, хөрөнгө оруулагчдад цогцолбор төсөлд хамтран ажиллах урилга илгээж, сонгон шалгаруулалтыг 5 дугаар сарын 27-нд зохион байгуулна.
Дархан-Уул аймгийн Орхон сумын нутагт нэг сая тонноос багагүй хүчин чадал бүхий Ган үйлдвэрлэлийн цогцолборыг үйлдвэрлэл, технологийн паркийн зарчмаар барьж байгуулахаар ажиллаж байна. Урьдчилсан ТЭЗҮ-ээр нийт хөрөнгө оруулалт 806 сая ам.доллар байхаар тооцоолжээ.
Гангийн үйлдвэр 2025 оны эцсийн байдлаар 911 сая ам.долларын үнэ бүхий нэг сая.тн ган бүтээгдэхүүн импортоор авсан, 2030 он гэхэд 1.6 тэрбум ам.долларт хүрэх төлөвтэй байна. Гангийн цогцолборыг ашиглалтад оруулснаар төлбөрийн тэнцэл 350-400 орчим сая ам.доллароор сайжрах бүтээн байгуулалтын өртөг 10 орчим хувиар буурах эерэг нөлөөллүүд бий болно.
Монгол Улсад төмрийн хүдрээс ган үйлдвэрлэх технологи бүхий том хүчин чадлын үйлдвэр барьж ашиглалтад оруулсан туршлагатай аж ахуйн нэгж байхгүй тул энэ чиглэлээр мэргэшсэн мэргэжилтэн, инженер цөөн байгаа нь дотоодын нөөц бололцоогоор төслийг хэрэгжүүлэхэд хүндрэлтэй, цаашлаад технологийн болон санхүүгийн эрсдэл үүсэх магадлал өндөр байгаа талаар өнөөдрийн Засгийн газрын хуралдаанаар хэлэлцэв.
Иймд тус төслийг олон улсын хөрөнгө санхүү, технологи, зах зээл бүхий ган үйлдвэрлэлийн салбарт туршлагатай этгээдтэй хамтран хэрэгжүүлэх нь зүйтэй гэж үзэж байна.
