Баянхонгор аймгийн хэмжээнд 2025 оны жилийн эцэст мал тэжээвэр амьтдын тооллогын урьдчилсан дүнгээр 4.231.9 мянган толгой мал тоолуулж, өмнөх оноос 204.8 мянган толгойгоор буюу 5.1 хувиар өссөн байна.

Малын тоог төрлөөр нь авч үзвэл адуу 15.9 мянга (9.0), үхэр 17.8 мянга (8.0), тэмээ 4.0 мянга (7.6), хонь 64.1 мянга (5.4), ямаа 102.9 мянга буюу 4.3 хувиар тус тус өсжээ. Аймгийн хэмжээнд адуун сүргээр Галуут сум, үхэр сүргээр Эрдэнэцогт сум, тэмээн сүргээр Баянлиг сум, хонин сүргээр Баян-Овоо сум, ямаан сүргээр Баацагаан сум тэргүүлж байна.

Баянхонгор аймаг улсад нийт малын тоогоор дөрөвдүгээрт, 2.493.9 мянган ямаатай нэгдүгээрт, 56.6 мянган тэмээтэй гуравдугаарт, 239.3 мянган үхэртэй есдүгээрт, 192.8 мянган адуутай аравдугаарт, 1.249.2 мянган хоньтой есдүгээрт оржээ.

Баянхонгор аймгийн 20 сумын 103 багт 12.9 мянган малчин өрх аж төрж байна.