Засгийн газрын ээлжит бус хуралдаан өнөөдөр болно. Өнөөдрийн хурлаар утааны голомтод байгаа эх, хүүхдийг улсын зардлаар эрүүл агаарт амраах асуудлыг эцэслэн шийднэ гэж байсан ч энэ асуудлыг Засгийн газар дэмжихгүй гэсэн шийдвэр гаргаж, хэлэлцэх асуудлаас хасчээ.

Энэ тухай "0-5 настай хүүхдийг эхийн хамт хотын ойролцоо амралтын газарт 5 хоног амраах тухай ТББ-уудаас ирүүлсэн саналыг Засгийн газар дэмжихгүй. Өнөөдрийн хэлэлцэх асуудлуудаас хассан" хэмээн ЗГХЭГ-ын дарга Г.Занданшатар өөрийн цахим хуудастаа бичжээ.

Утааны эсрэг ээж, аавуудын холбоо утааны голомт дунд байгаа жирэмсэн ээж, 0-5 насны хүүхдүүдээс амьжиргааны түвшин доогуур айлын ээж, хүүхдүүдийг утааны улиралд нэг удаа ч болов цэвэр агаарт сувилалд байлгах ажлыг зохион байгуулж урьдчилсан дүнгээр 8.7 тэрбум төгрөг шаардлагатай гэсэн тооцоог гарган яамдуудад хүргүүлээд байсан юм. 

Энэ нь нийгэмд маш ихээр бухимдал үүсгээд байсан билээ.